Gujarati News

Gujarati News

News of Saturday, 26th May 2018

કરજ ચડી જતા યુવાને ગળફાંસો ખાધો

જામનગર તા. ૨૬ : અહીં ઘેલુભાઈ માડમના મકાન પાસે રહેતા સીતાબેન ભરતભાઈ ખોડાભાઈ વાળા, ઉ.વ.ર૪ એ પોલીસમાં જાહેર કરેલ છે કે, ભરતભાઈ ખોડાભાઈ વાળા ઉ.વ.રપ, રે. ઘેલુભાઈ માડમના મકાન પાસે, જામનગરવાળા તેની શેરીમાં રહેતા બાબીબેન તથા તેના પતિ પાસેથી નાણા લીધેલ હતા. જેથી ભોગ બનનાર ભરતભાઈ માથે કરજ ચડી જતા તેઓએ પોતાના ઘરે બાથરૂમમાં લાકડાના આડશમાં ગળાફાંસો ખાઈ લીધેલ હતો જેથી મરણ ગયેલ જાહેર કરેલ છે.

ઘર ખાલી કરાવવા માટે માર માર્યાની રાવ

અહીં સીટી એ-ડિવીઝન પોલીસ સ્ટેશનમાં મેમુનબેન કાસમભાઈ બેલીમ એ ફરીયાદ નોંધાવી છે કે, કુંભારવાડો, મોતીવારા, મહેમદશાહ બાજીગર પાન સામે આવેલ પોતાના ઘરે હાજર હતા. ત્યારે રઝીયાબેન સતારભાઈ બેલીમ, સતારભાઈ બેલીમ ઓ ઘરે આવી તેમના સાસુનો ચાલીસો હોય જેના ખર્ચના પૈસા તુ કેમ નથી આપતી તેમ કહી ગંદી ગાળો આપી તથા ફરીયાદી મેમુનબેનને ઘર ખાલી નહી કરે તો જાનથી મારી નાખવાની ધમકી આપી સતારભાઈ બેલીમ ના ઓ ઉશ્કેરાઈ જઈ ફરીયાદી મેમુનબેનને માથાના ડાબી બાજુના કપળના ભાગે લાકડાના ધોકા વડે એક ઘા મારી ઈજા કરી ફરીયાદી મેમુનબેનના ઘરે ગૃહ પ્રવેશ કરી તથા એકબીજાની મદદગારી કરી ગુનો કરેલ છે.

ચલણી નોટો વડે જુગાર

અહીં સીટી એ-ડિવીઝન પોલીસ સ્ટેશનમાં કોન્સ. યોગરાજસિંહ પ્રવીણસિંહ રાણા એ ફરીયાદ નોંધાવી છે કે, દિ.પ્લોટ – ૪૯, કામણીયા વાસ, જામનગરમાં  દિનેશ કરશનભાઈ ચૌહાણ, વિજય પ્રભુભાઈ ચૌહાણ રે. જામનગરવાળા જાહેરમાં રૂ. ૧ર૯૦ મળી આવતા પકડાઈ જતા ગુનો કરેલ છે.

(12:39 pm IST)
  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST