Gujarati News

Gujarati News

News of Saturday, 26th May 2018

જોડિયામાં મનરેગા હેઠળ કામગીરીનું નિરીક્ષણ

જોડિયા : છેલ્લા એક સપ્તાહથી જોડિયા ના રણકાપીર તળાવ સ્થળે ગ્રામ પંચાયતની દેખરેખ હેઠળ તળાવને ઉંડું ઉતારવાની કામગીરી મનરેગા હેઠળ ચાલી રહી છે. તે કામોમાં સ્થાનિક વિસ્તારના ત્રણસો પચાસ શ્રમિકો જોડાયા છે. ગ્રામ પંચાયત દ્વારા મનરેગા ના કામ સ્થળ પર શ્રમજીવીઓ માટે છાયડો અને પીવાનું પાણી ની વ્યવસ્થા કરાઇ છે. દર વર્ષે ચોમાસા દરમ્યાન રણકાપીર તળાવ વરસાદી પાણીના સંગ્રહ થી તળાવ ની આસપાસ ખેડુતોને સિંચાઈ અને માલધારી ના લાભ મળે છે. રાજકોટ સ્થિત ના. ડેપ્યુટી એકાઉન્ટર જનરલ અવિનાશ જાદવે જોડિયા ખાતે ચાલતા મનરેગા ની કામગીરી જાતે નિહાળી હતી. તે ઉપરાંત તલાટી મંત્રી બી.કેે. જાડેજા પાસેથી મનરેગા અંગે વિગત મેળવી હતી. જોડિયા ખાતે રાજકોટ ના અધિકારી ના પ્રવાસ દરમ્યાન એ.જી. ઓફિસ ના સિનિયર ઓડીટર ઉદાણી ભાઇ, જોડિયા વિસ્તારના જિલ્લા પંચાયત ના સભ્ય તથા ગ્રામ પંચાયત ના સભ્યો તથા કર્મચારી જોડાયા હતા. જોડિયા વિસ્તારમાં તળાવ ઉંડુ ઉતારવાની કામગીરી ''મનરેગા'' હેઠળ પ્રથમ કામ નો આરંભ થયો છે. કામગીરીનું નિરીક્ષણ નીતસ્વીરો.(તસ્વીરઃ રમેશએચ. ટાંક જોડિયા, જામનગર)

(11:52 am IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST