Gujarati News

Gujarati News

News of Saturday, 26th May 2018

હળવદમાં કાંઠાગોરનું પૂજન, મહિલાઓ ભકિતભાવમાં ગળાડૂબ

હળવદ : અહીયા પુરૂષોત્તમ માસ નિમિતે પૌરાણીક શ્રી ગોલેશ્વર મહાદેવ મંદિરે મનોવાંચ્છીત ફળ મેળવવા માટે કાંઠા ગોરમાનું સમુહ પૂજન કરવામાં આવી રહ્યુ છે. આ ઉપરાંત વાર્તા આરતી, આખા પુરૂષોત્તમ માસ દરમિયાન ચાલશે. સાથે સાથે કાંઠાગોરની વાર્તા, મુગ્ધાની વાર્તા, વ્યતિપાતની વાર્તા, પદ્યમીની - પરમા એકાદશીની વાર્તા પણ કરવામાં આવી રહી છે. મહિલાઓ ઉપવાસ રાખીને ભકિતભાવથી વ્રત કરી રહી છે તેમજ રાત્રે વિવિધ શેરીમાં ભજન પણ ગવાય છે. તસ્વીરમાં કાંઠા ગોરનું પૂજન કરતી મહિલાઓ દર્શાય છે. (તસ્વીર-અહેવાલ : દિપક જાની, હળવદ)

(11:49 am IST)
  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST