Gujarati News

Gujarati News

News of Saturday, 26th May 2018

જામજોધપુર નજીક દંપતિ પાસેથી ૨.૮૦ લાખની લૂંટ કરનારાની શોધખોળ

જામજોધપુર તા.૨૫ : જામજોધપૂર તાલુકાના વસંતપૂર ગામ નજીક બેંકમાંથી ધીરાણ લઇને જતા દંપતિની આંખમાં બે અજાણ્યા શખ્સોએ મરચાની ભૂકી છાંટી ૨.૮૦ લાખની લૂંટ ચલાવી જવા અંગે ફરિયાદ નોંધાવાઇ છે.

પોલીસે આરોપીઓને ઝડપી લેવા ચક્રો ગતિમાન કર્યા છે. તાલુકા વેરાવળ ગામે રહેતી હલીમાબેન જૂમાભાઇ પાટા અને તેના પતિ જૂમાભાઇ અલારખાભાઇ પાટા બેંકમાંથી રૂા૨.૮૦ લાખનુ ધિરાણ મેળવી બાઇક લઇને તેના ઘરે જતા હતા ત્યારે  વસંતપૂર ગામની ગોળાઇ પાસે બે  અજાણ્યા  શખ્સોએ  આંખમાં  મરચાની ભૂકી છાંટતા  આખોમાં બળતરા  થતાં બંને બાઇક ઉભુ રાખી  નીચે ઉતર્યા  બાદ  બંને શખ્સોએ  ૨.૮૦ લાખની રોકડ  સહિતની થેલી લૂંટી નાસી છુટ્યા હતા.

(11:47 am IST)
  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST