Gujarati News

Gujarati News

News of Saturday, 26th May 2018

ઉમણીયા વદરના મહિલા તલાટીને બાંધકામ મંજુરી બાબતે ધમકી

ભાવનગર તા.૨૬: ભાવનગર જીલ્લાના ઉમણીયાવદર ગામના મહિલા તલાટીમંત્રી ઉપર હુમલો કરી ગાળો આપ્યાની એક શખ્સ વિરૂધ્ધ ફરીયાદ નોંધાઇ છે.

 મળતી વિગતો મુજબ મહુવા તાલુકાના ઉમણીયાવદર ગામે તલાટી મંત્રી તરીકે ફરજ બજાવતા શીલ્પાબેન એન. વળીયા ઉપર આજ ગામના હાર્દિક હકાભાઇ હડીયા એ હુમલો કરી માર મારી ગાળો આપી ધમકી આપી નાસી છુટયો હતો આ અંગે મહુવા પોલીસ સ્ટેશન માં ફરીયાદ નોંધાવતા પોલીસે ગુન્હો નોંધી તપાસ હાથ ધરી છે. આરોપીએ ડુંગળીના મેડા માટે બાંધકામ કરવાની મંજુરી માંગતી અરજી કરી હતી અને તે બાબતે બોલાચાલી કરી હુમલો કર્યો હતો.

તડીપાર

વિઠ્ઠલવાડી વિસ્તારમાં રહેતા અને અગાઉ મારામારી ના ગુન્હાઓમાં સંડોવાયેલા રવિરાજ કરણસિંહ જાડેજાને એ ડીવીઝન પોલીસે જીલ્લા મેજીસ્ટ્રેટ ના આદેશ મુજબ ઝડપી લઇ ત્રણ માસ માટે ભાવનગર જીલ્લામાંથી હદપાર કર્યો છે.

(11:46 am IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • અમરેલી જિલ્લાના ઢાઢાનેશ વિસ્તારમાં વન કર્મચારી ઉપર સિંહનો હુમલોઃ ચાંચઇપાણીયા રેન્જ વિસ્તારમાં બિમાર સિંહની તપાસ કરવા જતાં સિંહ હુમલો કરીને નાસી છુટ્યોઃ ઇજાગ્રસ્ત વન કર્મચારી સારવારમાં access_time 2:32 pm IST