Gujarati News

Gujarati News

News of Saturday, 26th May 2018

ગઢડા પંથકની સગીરના બળાત્કાર કેસમાં પકડાયેલ આરોપીને દશ વર્ષની સજા

ભાવનગર ૨૬ : બે વર્ષ પુર્વે બોટાદ જીલ્લાના ગઢડા તાલુકાના ઢસા ગામના શંકરપરા વિસ્તાર રહેતા બે સગા ભાઇઓ એ એકબીજાને મદદગારી કરી એક સગીરા ઉપર બળાત્કાર ગુજાર્યાની પોલીસફરીયાદ નોૅધાઇ હતી. આ અ઼ગેનો કેસ ભાવનગરની અદાલતમાં ચાલી જતા અદાલતે મુખ્ય આરોપી સામેનો ગુનો સાબીત માની જુદી જુદી કલમો હેઠળ ૧૦ વર્ષની સખ્ત કેદની સજા ફટકારી હતી.

પ્રાપ્ત વિગતો મુજબ બોટાદ જીલ્લાના ગઢડા તાલુકાના ઢસા ગામના શંકરાપરા વિસ્તારમાં રહેતા સંજય ઉર્ફે રાહુલ સુરેશભાઇ પીઠાપરા (ઉ.વ.૨૩) અને તેનો સગોભાઇ  અજય સુરેશભાઇ મીઠાપરા (ઉ.વ.૧૯) નામના શખ્સોએએકબીજાને મદદગારી કરી ગત તા.૨૩/૪/૨૦૧૬ ના રોજ વ્હેલી સવારના સુમારે ઢસા ગામ શંકરપરામાંથી આ કામના આરોપી સંજય સુરેશભાઇ મીઠાપરા આ કામના ફરીયાદી ની દીકરી ભોગ બનનાર (ઉ.જ.૧૩ વર્ષ ૧ માસ) ની સગીર હોવાનું જાણવા છતા ભોગ બનનારનું ફરીયાદીના કાયદેસરના વાલીપણા માંથી અપહરણ કરી લઇ જઇ, ભોગ બનનાર સાથે આરોપી સંજયએ અવાર નવાર બળાત્કાર કરેલ અને આરોપી સગો તેનો ભાઇ અજય મીઠાપરાએ સંજય સાથે ફોનમાં વાતચીત કરી સદર ગુનામાં એકબીજાને મદદગારી કર્યા હોવાની ઢસા પોલીસ મથકમાં ફરીયાદ નોંભાવતા પોલીસે ઉકત બન્ને આરોપીઓ સામે ઇ.પી.ેકો. કલમ ૩૬૩,૩૬૬,૩૭૬ તથા પોકસો એકટ ૨૦૧૨ ની કલમ ૩,૪,૮,૧૨,૧૭ મુજબનો ગુનો નોંધીયો શતો.

આ અંગેનો કેસ ભાવનગરના સ્પે.જજ (પોકસો) અને ચોથા એડીશ્નલ સેશન્સ જજ એમ.જે. પરાસરાની અદાલતમાં ચાલી જતા અદાલતે સરકારી વકીલ બી.જે.ખાંભલીયાની દલીલો, આધાર પુરાવા, સાક્ષીઓ વિગેરે ધ્યાને લઇ આ કામના મુખ્ય આરોપી સંજય ઉર્ફે રાહુલ સુરેશભાઇ મીઠાપરા સામે ઇ.પી.કો. કલમ ૩૬૩ મુજબના ગુના સબબ તકસીરવાન ઠારાવી ૩ વર્ષની કેદ અને રૂા ૨ હજારનો દંડ, આરોપી દંડ ન ભરે તો વધુ ત્રણ માસની કેદની સજા, ઇ.પી.કો. કલમ ૩૬૬ મુજબ આરોપીને તકસીરવાન ઠરાવી પાંચ વર્ષની સજા અને રૂા ૩ હજારનો દંડ અને આરોપી દંડ ન ભરે તો વધુ ૬ માસની સજા, ઇ.પી.કો.કલમ ૩૭૬(ર)(આઇ) મુજબ આરોપીને તકસીરવાન ઠરાવી ૧૦ વર્ષની સખ્ત કેદની સજા અને રૂા૧૦ હજારનો ખંડ અને જો આનરોપી દંડ ન ભરે તો વધુ ૬ માસની સજા, પ્રોટેકશન ઓફ ચિઈડ્રન ફોર સેકસ્યુઅલ એફેન્સિયસ એકટ ૨૦૧૨ ની કલમ ૪ મુજબના ગુન્હા સબબ અલગતી સજા કરવામાં આવી નથી. આરોપી તરફથી દંડનછ રકમ જે વસુલ લેવામાં આવે તો રકમમાંથી ૧૦ હજાર ભોગ બનનારને વળતર તરીકે ચુકવી આપવા અદાલતે હુકમ કર્યો હતો. જયારે અન્ય આરોપી અવય સુરેશભાઇ મીઠાપરાને વ્યાજબી શંકાનો લાભ આપી અદાલતે નિર્દોષ છોડી મુકવા હુકમ કર્યો હતો.

(11:46 am IST)
  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા access_time 1:18 am IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST