Gujarati News

Gujarati News

News of Saturday, 26th May 2018

કોંગ્રેસ દ્વારા સૌરાષ્ટ્ર-કચ્છમાં ''વિશ્વાસઘાત'' દિવસની ઉજવણી

ભાજપ સરકારે ૪ વર્ષના શાસનમાં લોકો સાથે અન્યાય કર્યો : ''કાળી પટ્ટી'' બાંધીને વિરોધ પ્રદર્શન

રાજકોટ, તા. ર૬ : રાજકોટ સહિત સૌરાષ્ટ્ર-કચ્છમાં આજે કોંગ્રેસ દ્વારા ભાજપ સરકાર સામે ''વિશ્વાસઘાત'' દિવસની ઉજવણી કરીને વિરોધ પ્રદર્શન કરવામાં આવી રહ્યો છે.

કેન્દ્રની ભાજપ સરકાર દ્વારા તેના શાસનના ૪ વર્ષની સિદ્ધિઓ વર્ણવી રહી છે. પરંતુ લોકોને અન્યાય થઇ રહ્યો છે. તેમ ગુજરાત પ્રદેશ કોંગ્રેસના અધ્યક્ષ અમિતભાઇ ચાવડાએ જણાવ્યું હતું.

કોંગ્રેસ પ્રદેશ સમિતિ દ્વારા આજે ''વિશ્વાસઘાત'' દિવસની ઉજવણી અંતર્ગત કોંગ્રેસના આગેવાનો, કાર્યકરો સવારે ૧૦ થી ૧ર સુધી હાથમાં કાળી પટ્ટી બાંધીને વિરોધ પ્રદર્શન કરશે.

પ્રદેશ કોંગ્રેસ દ્વારા સુચના અપાતા રાજકોટ સહિત સૌરાષ્ટ્ર-કચ્છમાં અનેક આગેવાનો, કાર્યકરોએ વિરોધ વ્યકત કર્યો હતો.

પ્રદેશ કોંગ્રેસ પ્રમુખ અમિતભાઇ ચાવડાએ કહ્યું કે, હવે દરેક સમાજના લોકો સમજવા લાગ્યા છે કે, ભાજપે તેમની સાથે ''વિશ્વાસઘાત'' કર્યો છે. જનતા સાથે દગો કર્યો છે. પેટ્રોલ-ડિઝલના ભાવ દરરોજ વધતા સામાન્ય માણસને જીવવું મુશ્કેલ થઇ ગયું છે.

જેના વિરોધમાં આજે કોંગ્રેસ દ્વારા જિલ્લા, તાલુકા અને ગ્રામ્ય વિસ્તારોમાં વિરોધ પ્રદર્શન કરીને કેન્દ્રની ભાજપ સરકાર સામે રોષ ઠાલવ્યો હતો.

(11:38 am IST)
  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST