Gujarati News

Gujarati News

News of Friday, 26th April 2019

કેશોદના તુવેર કાંડમાં બીજા દિવસે પણ પુરવઠા નિગમ દ્વારા તપાસનો ધમધમાટ

એમડી મનીષ ભારદ્વાજ રવાના

જુનાગઢ તા.૨૬: કેશોદના તુવેર કાંડમાં આજે બીજા દિવસે પણ પુરવઠા નિગમે તપાસ જારી રાખી છે અને પોલીસ તપાસ ડીવાયએસપી ગઢવીને સોપવામાં આપી હોવાનું જાણવા મળેલ છે.

કેશોદ માર્કેટીંગ યાર્ડ ખાતે પુરવઠા નિગમના તુવેરની ટેકાના ભાવે ખરીદી કેન્દ્રમાં તુવેરની ખરીદીમાં અને હલકી ગુણવતાની તુવેર ધાબડી દેવાયાનું રૂ.૨૬ લાખનું કૌભાંડ બહાર આવતા સરકારમાં હરકતમાં આવી ગઇ હતી.

તુવેર કૌભાંડના પગલે ગઇકાલે પુરવઠા નિગમના એમ.ડી.અને જુનાગઢ કલેકટરની ફરજ બજાવી ચુકેલા મનીષ ભારદ્વાજ કેશોદ દોડી આવ્યા હતા. તેઓએ કલેકટર ડો.સૌરભ પારઘીએ વગેરે સાથે કેશોદ યાર્ડની મુલાકાત લીધી હતી. તેઓ સમક્ષ કેટલાંક ખેડુતોએ કાંડને લઇ સનસની ખેજ આક્ષેપ કર્યા હતા.આ કૌભાંડ બારામાં ૭ શખ્સો સામે પોલીસ ફરિયાદ છે જેમાં તાત્કાલિક ખરીદી ઇન્ચાર્જ જે.બી.દેસાઇ, ગોડાઉન મેનેજર દેવેન્દ્ર નિરંજન અને ગ્રેડર ફૈજલ મુંગલને સસ્પેન્ડ કરી દેવાયા છે. જો કે હાલ આ શખ્સો ફરાર છે.

એમ.ડી.મનીષ ભારદ્વાજ તુવેર કૌભાંડની વિગતો અને તપાસ બાદ સાંજે ગાંધીનગર જવા રવાના થઇ ગયા હતા. પરંતુ તેઓની સુચના મુજબ આજે બીજા દિવસે પુરવઠા નિગમના જનરલ મેનેજર સહિત ત્રણ સભ્યોની ટીમે તુવેર કાંડના મૂળ સુધી પહોંચવા તપાસ  જારી રાખી છે.

દરમ્યાન આ કૌભાંડની ગંભીરતાને ધ્યાને રાખી એસ.પી.સૌરભસિંઘે પોલીસ તપાસ કેશોદ પી.આઇ.ડી.જે.ઝાલા પાસેથી લઇ કેશોદના ડીવાયએસપી.એ.બી.ગઢવીને સોંપી  છે.

નાયબ પોલીસ અધિક્ષક શ્રી ગઢવીએ આરોપીઓ સુધી પહોંચવા માટે તપાસ આગળ વધારી છે.

(3:47 pm IST)
  • ચોકીદારને પ્રસ્તાવક બનાવીને મોદીએ ભર્યું ઉમેદવારીપત્રક : લોકસભા ચૂંટણી ૨૦૧૯ના મહાસંગ્રામમાં વારાણસી સીટ પર દેશભરની નજર અટકેલી હતી. વડાપ્રધાન નરેન્દ્ર મોદીએ આજે વારાણસી લોકસભા સીટ પર નોમિનેશનના પાંચમાં દિવસે કલેકટર ઓફિસમાં ફોર્મ ભર્યું. કલેકટર રૂમમાં દાખલ થવાની સાથે જ તેઓએ દરેક પ્રસ્તાવકો સાથે મુલાકાત કરી આ દરમિયાન તેઓએ કાશીના કોતવાલ (કાળ ભૈરવ)ના પણ દર્શન કર્યા ત્યાં રાષ્ટ્રીય જનતાંત્રિક ગઠબંધન એનડીએના દિગ્ગજ નેતાઓનો જાણે મેળો ભરાયો હોય તેવું દ્રશ્ય હતું. access_time 3:04 pm IST

  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશેઃ વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે : તામિલનાડુ માટે રેડ એલર્ટ જાહેરઃ 'ફાની' FANI વાવાઝોડુ ધસમસી રહ્યુ છે access_time 11:22 am IST

  • દુષ્કર્મ કેસમાં આસારામ પુત્ર નારાયણ સાંઈ દોષિત જાહેર : ૩૦મીએ સજાનુ એલાન થશે : સુરતની કોર્ટે સંભળાવ્યો ચુકાદો access_time 1:22 pm IST