Gujarati News

રાજકોટ તા.ર૬: રાજકોટ સહિત સૌરાષ્ટ્ર-કચ્છમાં આકરા તાપથી લોકો ત્રાહીમામ પોકારી ગયા છે. મહત્તમ તાપમાનનો પારો ૪૩ ડિગ્રી નજીક પહોંચી જતાં લોકો ગરમીથી ત્રાહિમામ પોકારી ગયા છે.

છેલ્લા થોડા દિવસોથી વહેલી સવારથી જ મહત્તમ તાપમાનનો પારો ઉંચે ચડવા લાગે છે. અને જેમ-જેમ દિવસ પસાર થાય છે તેમ-તેમ ગરમીની અસર વધવા લાગે છે.

બપોરના સમયે ''લૂ'' ફેંકતો પવન ફુંકાઇ છે જેના કારણે લોકો ઘરની બહાર નિકળવાનું ટાળે છે અને ગરમીથી બચવા માટે એસી અને પંખાનો સહારો લે છે.

જામનગર

જામનગરઃ શહેરનું હવામાન ૩૮ મહત્તમ, ૨૫ લઘુતમ, ૮૬ ટકા વાતાવરણમાં ભેજનું પ્રમાણ, ૧૧.૪ પ્રતિ કલાક પવનની ગતિ રહી હતી.