Gujarati News

Gujarati News

News of Thursday, 26th March 2020

દ્વારકામાં અન્ય રાજ્યોના ફસાયેલા ભાવિકો માટે રીલાયન્સ સહિત જુદા જુદા સેવાભાવીઓ દ્વારા સેવાકાર્યનો ધમધમાટ

રાજકોટ, તા. ૨૬ :. કોરોનાનો કહેર દિવસેને દિવસે વધતો જાય છે ત્યારે આ વાયરસની અસર પ્રસરતી અટકાવવા માટે વડાપ્રધાન શ્રી નરેન્દ્રભાઈ મોદીએ આખા દેશમાં લોકડાઉનની જાહેરાત કરી દીધી છે. જેના કારણે દ્વારકા આવેલા ૩૦૦થી ૩૫૦ જેટલા ભાવિકો ફસાઈ જતા તેઓને જુદી જુદી સંસ્થાઓ મદદ કરી રહી છે.

દ્વારકામાં આવેલા તેલંગણાના એક પ્રજ્ઞાચક્ષુ સહિત ઉત્તર પ્રદેશ અને બિહારના ૩૦૦થી ૩૫૦ ભાવિકો હાલમાં ફસાયા છે. જેઓને જમવા-રહેવાની સગવડતા મળે તે માટે રીલાયન્સ પરિવાર, પ્રેમ પરિવાર, પંચમુખીદાદા મંદિર, કાનદાસબાપુ આશ્રમ, કેશવાનંદ સ્વામી, સનાતન આશ્રમ, પી.આઈ. વાગડીયા સહિતના દ્વારા વિવિધ સુવિધા આપવામાં આવી છે.

રિલાયન્સ પરિવાર દ્વારા અન્ય રાજ્યોમાંથી આવેલા યાત્રીકોને કોઈ અગવડતા ન પડે તે માટે જમવાની તથા રહેવાની સુવિધા આપવામાં આવી છે. જ્યારે ઈન્ચાર્જ પી.આઈ. વાગડીયાએ ફસાયેલા યાત્રિકોને કાનદાસબાપુ આશ્રમે સીફટ કરી દીધા છે.

(3:32 pm IST)
  • કોરોના સામે જંગ ગુજરાતની તમામ શાકમાર્કેટો બંધ કરવાનો નિર્ણય શાક માર્કેટોમાં ભીડ થતી હોય બંધ કરાવી અને લોકોને ઘર પાસે અથવા હોમ ડિલીવરીથી શાક મળી રહે તેવી વ્યવસથા ગોઠવાઈ રહી છે access_time 6:07 pm IST

  • સુરતમાં કોરોનાના શંકાસ્‍પદ લક્ષણો ધરાવતા ૮ ના પેન્‍ડીંગ રીપોર્ટ નેગેટીવ આવતા હાશકારો access_time 12:53 pm IST

  • મુંબઇ લોકડાઉન : દિવ્યાંગ યુવતીએ ટ્વીટ કરીને ગૃહમંત્રીની માંગી મદદ : માત્ર ૨૫ મિનિટમાં પોલીસ સહાય કરવા પહોંચી : યુવતી અને ડ્રાઇવરને આવ-જા માટે વિશેષ પાસ આપ્યા access_time 4:30 pm IST