Gujarati News

Gujarati News

News of Thursday, 26th March 2020

પશ્ચિમ કચ્છના ડીએસપી સૌરભ તોલંબિયા પહોંચ્યા એકલ દોકલ વૃદ્ધ પરિવારની મદદે, સંતાનો કમાવવા માટે બહારગામ હોઈ કચ્છમાં અનેક વૃદ્ધ પરિવારજનો રહે છે એકલા

એક નજર ઇધર બી, લોકડાઉન દરમ્યાન પોલીસની સંવેદનાભરી કામગીરીએ જીત્યા લોકોના દિલ

(ભુજ) લોકડાઉન દરમ્યાન પોલીસની કડકાઈના સમાચાર ભલે ચર્ચામાં રહે છે, પણ પોલીસની આ કડકાઈ આપણને અને આપણા પરિવારોને કોરોનાથી બચાવવા માટે છે. સાથે સાથે પોલીસની કામગીરી સંવેદના સભર પણ રહી છે. એક નજર કરીએ પોલીસના માનવીય અભિગમ તરફ. પશ્ચિમ કચ્છ પોલીસ દ્વારા  સંવેદનાપૂર્ણ કામગીરી કરાઈ રહી છે. લોકડાઉન દરમ્યાન ખાસ કરીને એકલ દોકલ રહેતા વૃદ્ધ પરિવારો તેમ જ દરરોજ કમાનાર શ્રમજીવી વર્ગ માટે મુશ્કેલી ઉભી થઇ છે. પરંતુ ડીએસપી સૌરભ તોલંબિયાએ આ માટે પહેલ કરીને વૃદ્ધ પરિવારોને ક્યાંય દવા કે ભોજન ની મુશ્કેલી પડે તો પોલીસ દ્વારા સહાયતા મળી રહે તે માટે ફોન હેલ્પલાઇન શરૂ કરી. આ હેલ્પલાઇન નંબર તમામ મીડીયામાં વાયરલ કર્યા. પોલીસ સ્ટાફને પણ મદદરૂપ બનવા સૂચના આપી. લોકડાઉન દરમ્યાન કચ્છમાં પોલીસે ઘણી સ્વૈચ્છિક સંસ્થાઓની મદદ દ્વારા શ્રમજીવી પરિવારના બાળકોને, તેમ જ પરિવારના સભ્યોને ભોજન અને જરૂર પડ્યે ત્યાં રાશન ઉપલબ્ધ કરાવ્યું. ખુદ ડીએસપી સૌરભ તોલંબિયા પણ વૃદ્ધ પરિવારોની ખબરઅંતર પૂછવા નીકળ્યા અને તેમને મદદરૂપ પણ બન્યા હતા. કચ્છના અનેક યુવાનો કમાવવા માટે વતન છોડીને દેશ દેશાવર ગયા હોઈ અનેક વૃદ્ધ પરિવારજનો એકલા રહે છે. ત્યારે પોલીસની આવી કામગીરી તેમના માટે સાંત્વના રૂપ છે.

(2:00 pm IST)
  • મુખ્યમંત્રી રૂપાણીએ રાજસ્થાન જતા શ્રમિકો માટે ગત રાત્રે ગાંધીનગર પાસેના ચિલોડા ખાતે જઈને ઉચ્ચ અધિકારીઓને સ્થળ પર બોલાવી, જરૂરી પરામર્શ કરીને શ્રમિકોને વતન પહોચાડવા માટેની સુચનાઓ આપી હતી. access_time 5:59 pm IST

  • ઓનલાઇન ટિકિટ લેનાર યાત્રિકોને રેલવે તંત્રની સૂચના : ટિકિટ કેન્સલ કરાવશો તો રકમ ઓછી મળવાની શક્યતા : 14 એપ્રિલ સુધી તમામ ટ્રેનો રદ થઇ હોવાથી આપોઆપ રિફંડની રકમ તમારા ખાતામાં જમા થઇ જશે access_time 1:35 pm IST

  • ઓહોહો... રાજકોટમાં ૩૬ કિ.મી.ની ઝડપે પવન ફૂંકાઈ રહ્યા છે : રાજકોટ : શહેરમાં આજે પણ વાદળછાયા વાતાવરણ વચ્ચે ૩૬ કિ.મી.ની ગતિએ પવન ફૂંકાઈ રહ્યા છે : ૨૯.૬ ડિગ્રી સાથે ગરમીમાં ઘટાડો થયો છે : ભેજનું પ્રમાણ ૪૩ ટકા છે : દિવસનું તાપમાન નોર્મલથી ૮ થી ૯ ડિગ્રી નીચુ જોવા મળી રહેલ છે access_time 4:33 pm IST