Gujarati News

Gujarati News

News of Thursday, 26th March 2020

કોરોના સામે લડવા કોર્પોરેટ ક્ષેત્રનો સહયોગ માંગતા સાંસદ પૂનમબેન

જામનગર, તા. ૨૬ :. વૈશ્વિક સ્‍તરે વિસ્‍તરી રહેલા કોરોના વાયરસ સામે લડવા અને આ મહામારીમાંથી લોકોને બચાવવા પૂર્વ ઉપાયરૂપે તાત્‍કાલીક રીતે મોટી સંખ્‍યામાં માસ્‍ક, સેનેટાઈઝર, ઓકિસજન સીલીન્‍ડર, વેન્‍ટીલેટર તેમજ આ રોગ સામે જરૂરી દવાઓની તાતી જરૂરીયાત હોય જેને ધ્‍યાને લઈ જામનગર અને દેવભૂમિ દ્વારકા જિલ્લામાં આવેલી કોર્પોરેટ સંસ્‍થાઓ જેવી કે રીલાયન્‍સ, ન્‍યારા એનર્જી, આર.એસ.પી.એલ., ટાટા કેમીકલ્‍સ, જી.આર. ઈન્‍ફ્રા., પાવરીકા વિગેરે જેવા નાના મોટા દરેક કોર્પોરેટ સેકટર અને ઉદ્યોગગૃહોને સાંસદ શ્રી પૂનમબેન માડમ દ્વારા આ ઉદ્યોગગૃહો પાસે રહેલા સી.એસ.આર. ફંડમાંથી મોટી રકમોનો આર્થિક સહયોગ કરવા અપીલ કરાયેલ છે.

જામનગર સંસદીય મત વિસ્‍તાર હેઠળના જામનગર અને દેવભૂમિ દ્વારકા જિલ્લાના શહેરી અને ગ્રામ્‍ય વિસ્‍તારો ઉપરાંત મોરબી તાલુકાના આમરણ જિલ્લા પંચાયત હેઠળના ગ્રામ્‍ય વિસ્‍તારોને પણ તાકીદે મદદરૂપ થઈ શકાય તે માટે દરેકને પત્ર લખી મોટી રકમનો આર્થિક સહયોગ કરવા ઉપરાંત આ દિશામાં કોરોના વાયરસ સામે લડવા વહીવટી તંત્ર સાથે બધી જ કોર્પોરેટ સંસ્‍થાઓને તાત્‍કાલિક યોગ્‍ય પગલા લેવા માટે સાંસદ શ્રી પૂનમબેન માડમ દ્વારા સૂચન કરવામાં આવ્‍યુ છે.

 

(1:01 pm IST)
  • આજથી સવારે ૮ થી ૪ સુધી જ પેટ્રોલપંપો ચાલુ રહેશે : કાલથી પેટ્રોલપંપના સંચાલન સમયમાં ફેરફારઃ ગુજરાત પેટ્રોલિયમ ડીલર્સ એસોસિયેશન નિર્ણય : સવારે આઠથી સાંજે ચાર વાગ્યા સુધી જ પેટ્રોલ પંપ ચાલુ રહેશે : લોકડાઉનની સ્થિતિને ધ્યાનમાં રાખીને લેવાયો નિર્ણય access_time 3:31 pm IST

  • વિશ્વમાં કોરોના : 4,91,180 કેસ : વિશ્વમાં મૃત્યુઆંક 22,165 થયો : 1,18,059 લોકો સાજા થયા : કોરોના એક્ટિવ કેસ 3,50,956 જેમાં 3,33,187 હળવા કેસ અને 17,769 સિરિયસ કેસ: કુલ કેસના 4,51 ટકા જ મૃત્યુ છે access_time 8:02 pm IST

  • રાજકોટમાં આઈસોલેશનમાં રખાયેલ કોરોનાના ૧૧ શંકાસ્પદોના રીપોર્ટ નેગેટીવ આવ્યા : કોરોના સંદર્ભે રાજકોટમાં આજે સવારે ૧૧ વ્યકિતઓને આઈસોલેશનમાં રખાયેલ હતા જે તમામના લોહીના નમૂનાની તપાસ થતાં આ ૧૧ વ્યકિતઓમાંથી કોઈને કોરોના નહિં હોવાનું જણાયુ હતું : આ તમામ ૧૧ શંકાસ્પદોના રીપોર્ટ નેગેટીવ આવ્યાનું મ્યુ. કોર્પોરેશનના આરોગ્ય તંત્રએ જાહેર કર્યુ છે access_time 4:28 pm IST