Gujarati News

Gujarati News

News of Friday, 26th February 2021

બોટાદ જિલ્લા પંચાયતની ચૂંટણીમાં કોંગ્રેસના ૧૪ ઉમેદવારોના ફોર્મ રદ્દઃ હાઈકોર્ટનો ચૂકાદો

બોટાદ, તા. ૨૬ :. બોટાદ જિલ્લા પંચાયતની રવિવારે યોજાનાર ચૂંટણી પહેલા કોંગ્રેસને મોટો ઝટકો લાગ્યો છે. કોંગ્રેસના ૧૪ ઉમેદવારો હવે જિલ્લા પંચાયતની ચૂંટણી લડી નહિ શકે.

પ્રાપ્ત માહિતી મુજબ જિલ્લા પંચાયતની યોજાનાર ચૂંટણી માટે જુદા જુદા કારણોસર કોંગ્રેસના ૧૮ જેટલા ફોર્મ રદ્દ કરવામાં આવ્યા હતા. ફોર્મ ચકાસણી દરમિયાન આ ફોર્મ રદ્દ થતા કોંગ્રેસના ઉમેદવારોએ હાઈકોર્ટમાં અરજી કરી હતી. આ અરજીનો આજે હાઈકોર્ટે ચુકાદો આપ્યો છે.

હાઈકોર્ટે જણાવ્યુ છે કે ચૂંટણી પંચના નિર્ણયમાં અમે હસ્તક્ષેપ ન કરી શકીએ જેથી આ ૧૪ ઉમેદવારોના ફોર્મ હવે રદ્દ થયેલા ગણાશે. જો કે હાઈકોર્ટે ઉપલી કોર્ટમાં રજુઆત કરવા ચૂંટણી પૂર્ણ થયા બાદ કાર્યવાહી કરી શકશે તેમ ઉમેદવારોને જણાવ્યુ છે.

(1:00 pm IST)
  • ભારતના વધુ ઍક બોલર વિનયકુમારે પણ ક્રિકેટને કર્યુ અલવિદા : તમામ ફોર્મેટમાંથી નિવૃતિ લીધાનું સોશ્યલ મીડિયા પર કરી જાહેરાત : ૨૦૧૦માં ભારત માટે ડેબ્યુ કરનાર ફાસ્ટ બોલર વિનયકુમારે તેઓની કારકિર્દીમાં ૩૧ વન-ડેમાં ૩૮ વિકેટ અને ૯ ટી-૨૦માં ૧૦ વિકેટ લીધી હતી : તેઓ ઍક પણ ટેસ્ટ મેચ રમ્યા નથી તે પહેલા જ તેમને ક્રિકેટને અલવિદા કરી દીધુ access_time 6:06 pm IST

  • કેન્દ્રીય કર્મચારીઓને મળી શકે છે ખુશખબરી : કોરોના કાળમાં સરકારે મોંઘવારી ભથ્થું કાપ્યું હતું ત્યારે હવે જાન્યુઆરી 2021થી જૂન 2021 સુધીમાં ડીએમાં વધારો થવાની શકયતા છે :આગામી દિવસોમાં જ નવા વધારા સાથે પગાર મળશે access_time 1:26 am IST

  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST