Gujarati News

Gujarati News

News of Friday, 26th February 2021

જૂનાગઢ જીલ્લા તાલુકા પંચાયતોની ચૂંટણી સંદર્ભે ૩૧૦૦ ઇસમો વિરૂધ્ધ અટકાયતી પગલાં લેતી પોલીસ

જૂનાગઢ,તા. ૨૬: જિલ્લા પોલીસ વડા શ્રી રવિ તેજા વાસમ શેટ્ટી દ્વારા જિલ્લાના તમામ પોલીસ અધિકારીઓને જિલ્લા અને તાલુકા પંચાયતની ચૂંટણી સંબંધે સક્રિય કરી, કાર્યવાહી કરવાનું ચાલુ કરવામાં આવેલ છે. ડીવાયએસપી પ્રદીપસિંહ જાડેજા, કેશોદ ડિવિઝનના ડીવાયએસપી જે.બી.ગઢવી તથા માંગરોળ ડિવિઝનના ડીવાયએસપી જે.જી.પુરોહિતના માર્ગદર્શન હેઠળ જૂનાગઢ જિલ્લાના તમામ પોલીસ સ્ટેશનો ખાતે કુલ આશરે ૩૧૦૦ ઈસમો વિરુદ્ઘ ક્રિમિનલ પ્રોસીઝર કોડ મુજબ અટકાયતી પગલાઓ લેવામાં આવેલ છે. જે પૈકી કુલ ૫૩૯ બુટલેગરો જિલ્લામાં માથાભારે, ગુન્હેગારો તથા પ્રોહીબિશન બુટલેગરોના  કુલ ૧૯ ઈસમો વિરુદ્ઘ તડીપાર અને ૧૪ ઈસમો વિરુદ્ઘ પાસા ધારા મુજબ પગલાં લેવા દરખાસ્ત પણ કરવામાં આવેલ છે. આમ, જૂનાગઢ જિલ્લાના કુલ ૩૧૦૦ જેટલા ઈસમો વિરુદ્ઘ અટકાયતી પગલાઓ લેવામાં આવેલ છે. ઉપરાંત, પ્રોહીબિશન બુટલેગરોને ચેક કરવાની ઝૂંબેશના ભાગરૂપે જિલ્લાના તમામ બુટલેગરોને ચૂંટણી જાહેર થયા બાદ આશરે ચાર ચાર વાર ચેક કરી, પ્રોહીબિશન એકટ મુજબ આરોપીઓ વિરુદ્ઘ અસંખ્ય કેસો દાખલ કરી, ધરપકડ કરી, દેશી દારૂ ૨૮૭૭ લીટર કિંમત રૂ. ૫૭,૬૦૦/- વિદેશી દારૂ બોટલ નંગ ૩૭૯૬ કિંમત રૂ. ૧૫,૦૬,૦૫૨/- વાહનો કિંમત રૂ. ૧૯,૬૫,૦૦૦/- તથા અન્ય મુદામાલ કિંમત રૂ. ૧,૫૮,૮૯૯/- રોકડ રકમ સહિતનો કુલ આશરે રૂ. ૩૬,૯૨,૯૫૧/- નો મુદામાલ પકડી પાડવામાં આવેલ છે. જિલ્લામાં તમામ પોલીસ સ્ટેશનો ખાતે લાયસન્સ ધારકો પાસેથી લાયસન્સ વાળા ૧૨૩૩ હથિયારો જમા પણ કરવામાં આવેલ છે. જૂનાગઢ જિલ્લામાં લોકો નિર્ભય પણે મતદાન કરે તે માટે માથાભારે તથા જાણીતા ગુન્હેગારો ઉપર કડક અટકાયતી પગલાઓ લેવા અને પ્રોહીબિશનની બદી નેસ્ત નાબૂદ થાય એ માટે દેશી વિદેશી દારૂનો ગેર કાયદેસર ધંધો કરતા બુટલેગરોને દરરોજ ચેક કરી કેસો કરવાનું સમગ્ર ચૂંટણી પ્રક્રિયા દરમિયાન ચાલુ રાખવા માટે પણ સૂચનાઓ કરવામાં આવેલ હતી.

(12:54 pm IST)
  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST

  • કોરોનાનો ફુંફાડોઃ ભારતાં ૨૪ કલાકમાં ૧૬૫૭૭ કેસઃ ૧૨૦ લોકોને ભરખી ગયો : છેલ્લા ૨૪ કલાક દરમ્યાન ભારતમાં કોરોનાના ૧૬૫૭૭ નવા કેસ સામે આવ્યા છે. ૧૨૧૭૯ લોકો સંક્રમણથી મુકત થયા છે, જ્યારે ૧૨૦ લોકોના મોત થયા છે, કુલ કેસ ૧,૧૦,૬૩,૪૯૧ થયા છે જેમા ૧૫૫૯૮૬ એકટીવ કેસ છેઃ ૧૫૬૮૨૫ લોકોના મોત થયા છેઃ ૧૦૭૫૦૬૮૦ લોકો સાજા થયા છે access_time 11:28 am IST

  • ગુજરાતમાં સવારથી આવકવેરાનું મોટું ઓપરેશન ચાલુ : ગુજરાતમાં આવકવેરાના મોટાપાયે દરોડા ચાલુ હોવાનું ન્યૂઝફર્સ્ટ જણાવે છે. દરમિયાન મોરબીથી મળતા અહેવાલો મુજબ મોરબીની મોટા ગજાની ૨ સીરામીક ઇન્ડસ્ટ્રીઝ ઉપર અમદાવાદ અને રાજકોટથી આવેલા મનાતા આવકવેરાના અધિકારીઓએ ધોસ બોલાવ્યાનુ જાણવા મળે છે. access_time 3:55 pm IST