Gujarati News

Gujarati News

News of Friday, 26th February 2021

ભાવનગરમાં દિવ્યાંગ લોકો માટે માર્ગ સલામતી સેમીનાર યોજાયો

ભાવનગર : આર.ટી.ઓ. ભાવનગર, રાષ્ટ્રીય અંધજન મંડળ ભાવનગર જિલ્લા શાખા તથા ભાવનગર પોલીસ ટ્રાફિક શાખાના સંયુકત ઉપક્રમે દિવ્યાંગ લોકો માટે માર્ગ સલામતી જન જાગૃતિ અંગેનો સેમીનાર શ્રી કૃષ્ણકુમારસિંહજી અંધ ઉદ્યોગ શાળાના પ્રાર્થના હોલમાં યોજાયો હતો. દિવ્યાંગ લોકો માટે લાઈસન્સ મેળવવા અંગેના નિયમો તથા કાયદાકાનુન વિષે એ.આર.ટી.ઓ.  જે.જે.ચુડાસમા તેમજ અકસ્માતથી બચવા અંગે અજયસિંહ જાડેજાએ જરૂરી માર્ગદર્શન આપ્યું હતું. મહેમાનોનું શાબ્દિક સ્વાગત સંસ્થાના જનરલ સેક્રેટરી  લાભુભાઈ સોનાણીએ કર્યું હતું. આ સેમીનારમાં અતિથિવિશેષ પદે  દિલીપ યાદવ (પ્રાદેશિક વાહન વ્યવહાર અધિકારીશ્રી),  વૈશાલીબેન જોશી (જિલ્લા સમાજ સુરક્ષા અધિકારી), જે.જે.રબારી (પી.આઈ. ભાવનગર પોલીસ ટ્રાફિક શાખા) તેમજ સંસ્થાના ટ્રસ્ટીઓ ઉપસ્થિત રહ્યા હતા. બહોળી સંખ્યામાં દીવ્યાંગો જોડાયા હતા.સંચાલન માનદમંત્રી મહેશભાઈ પાઠકે કર્યું હતું જયારે અભારદર્શન સંસ્થાના આચાર્ય શ્રી નીતાબેન રૈયાએ કર્યું હતું.

(11:34 am IST)
  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST

  • દેશમાં કોરોનાના સતત વધતા કેસ :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 16,019 કેસ નોંધાયા :કુલ કેસની સંખ્યા 1,10,79,094 થઇ :એક્ટિવ કેસ 1,56,413 થયા: વધુ 12,361 દર્દીઓ સ્વસ્થ થતા કુલ 1,07,61,139 થયા :વધુ 109 લોકોના મોત સાથે કુલ મૃત્યુઆંક 1,56,970 થયા access_time 1:03 am IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST