Gujarati News

Gujarati News

News of Friday, 26th February 2021

ઉપલેટા તાલુકાના ખાખીજાળીયામાં કોંગ્રેસના ખેડૂત નેતા પાલભાઇ આંબલીયાની જાહેર સભા

ઉપલેટા : જિલ્લા પંચાયત અને તાલુકા પંચાયતની ચૂંટણીને હવે ગણતરીના દિવસો બાકી છે અને બધા પક્ષો પ્રચારમાં જોર લગાવી રહ્યા છે. રાજકોટ જિલ્લાના ઉપલેટા તાલુકાના ખાખીજાળીયાની તાલુકા પંચાયત અને જિલ્લા પંચાયતની સીટ ઉપર આજે કિશન કોંગ્રેસના ચેરમેન પાલભાઈ આંબલિયાએ જાહેર સભા સંબોધી હતી.આ જાહેર સભામાં ધોરાજીના કોંગ્રેસના ધારાસભ્ય લાલિત વસોયા, ભાયાવદર નગરપાલિકાના પ્રમુખ નયનભાઈ જીવાણી, તાલુકા પંચાયતના પૂર્વ પ્રમુખ લાખાભાઈ ડાંગર સહિતના કોંગ્રેસના આગેવાનો કાર્યકરો હાજર રહ્યા હતા. પાલભાઈ આંબલિયાએ અહી ભાજપ ઉપર આકરા પ્રહારો કર્યા હતા અને સરકાર ઘેરવાનો પ્રયાસ કર્યો હતો. ખેડૂતોના વિસ્તારમા ખેડૂતોને સંબોધતા પાલ આંબલિયાએ ખેડૂતોના વિવિધ મુદ્દે સરકાર ઉપર આક્ષેપ કર્યા હતા. ઉપલેટા વિસ્તારના ખેડૂતોના વીમાનો પ્રશ્ન સાથે ખેડૂતોને ખેતપેદાશના ભાવ મળતા નથી જેને લઈને ખેડૂતો હેરાન પરેશાન છે. આ ભાજપ સરકાર માલેતુજારની સરકાર છે. તેને દિલ્હીમાં ચાલતા ખેડૂતોના આંદોલનની કઈ પડી નથી. મહિનાઓથી ચાલતા ખેડૂત આંદોલનને સમાપ્ત કરવાનો કોઈ પ્રયાસ કરતા નથી અને ૩ કૃષિ કાયદા પરત લેવા નથી. જે જોતા આ સરકાર ખેડૂત વિરોધી છે માટે હવે ખેડૂતો આ સરકારને જાકારો આપશે તેવો મત વ્યકત કર્યો હતો. આ સભામાં ઉપલેટા તાલુકાના ખાખીજાળીયા, મોજીરા, સેવંત્રા, ગઢાળા, નવાપરા, કેરાળા સહિતના ગામના ખેડૂતો મોટીસંખ્યામાં ઉપસ્થિત રહ્યા હતા. (તસ્વીર -અહેવાલ : ભરત દોશી -ઉપલેટા)

(10:20 am IST)
  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST

  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST

  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST