Gujarati News

Gujarati News

News of Friday, 26th February 2021

ઉનાઃ બે વર્ષ પહેલાની સોના-ચાંદીના દાગીનાની લૂંટના વધુ ૨ આરોપીઓ ઝડપાયા

ઉના, તા. ૨૬ :. તાલુકામા બે વર્ષ પહેલા થયેલ સોના-ચાંદીના લૂંટના ગુનાના બે વધુ આરોપીને પોલીસે પકડી પાડેલ છે અને બન્નેની એક દિવસની રીમાન્ડ મંજુર થઈ છે.

ઉના તાલુકાના રેવદ ગામે ૨૦૧૯માં સોના-ચાંદીના દાગીનાની લૂંટ થઈ હતી. જેને ઉના પોલીસે ગત તા. ૨૧ના રોજ ટાવરચોક પાસેથી મૂળ રાજુલાના હાલ રેવદ રહેતો એક શખ્સ અને એક રાજુલાના શખ્સને પકડી તપાસ શરૂ કરી હતી અને તપાસનીસ અધિકારી રમેશભાઈ એન. રાજ્યગુરૂ અને સ્ટાફે પગેરૂ દબાવી વધુ બે આરોપી (૧) ઈરફાન ઉર્ફે ઈફુ હકીમભાઈ હાજીભાઈ જાડેજા જાતે મુસ્લિમ રે. રેવદ તા. ઉના (૨) ઈમ્તીયાઝભાઈ ઉર્ફે ઈરફાન ઉર્ફે સાકુ યુસુફભાઈ કમાલભાઈ રહે. સીમાસી તા. ગીરગઢડાવાળાને લૂંટના ગુનામાં સંડોવાયેલ હોય તેથી વધુ માહિતી માટે ઉના કોર્ટમાં રીમાન્ડ માટે રજુ કરતા ઉના કોર્ટએ એક દિવસની રીમાન્ડ મંજુર કરતા લૂંટ કરેલ સોનાના દાગીના કયાં છુપાવ્યા છે ? તે અંગે તપાસનીસ અધિકારી રાજ્યગુરૂ કરી રહ્યા છે.

(10:18 am IST)
  • કોરોનાનો ફુંફાડોઃ ભારતાં ૨૪ કલાકમાં ૧૬૫૭૭ કેસઃ ૧૨૦ લોકોને ભરખી ગયો : છેલ્લા ૨૪ કલાક દરમ્યાન ભારતમાં કોરોનાના ૧૬૫૭૭ નવા કેસ સામે આવ્યા છે. ૧૨૧૭૯ લોકો સંક્રમણથી મુકત થયા છે, જ્યારે ૧૨૦ લોકોના મોત થયા છે, કુલ કેસ ૧,૧૦,૬૩,૪૯૧ થયા છે જેમા ૧૫૫૯૮૬ એકટીવ કેસ છેઃ ૧૫૬૮૨૫ લોકોના મોત થયા છેઃ ૧૦૭૫૦૬૮૦ લોકો સાજા થયા છે access_time 11:28 am IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST

  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST