Gujarati News

Gujarati News

News of Friday, 26th February 2021

કચ્છમાં ચૂંટણી ખર્ચનો હિસાબ નહીં આપનાર ૮૦ ઉમેદવારોને નોટિસ

ઉમેદવારોને નગરપાલિકા માટે દોઢથી સવા બે લાખ અને તા. ૫ં માટે ૨ લાખ, જિ.પં. માટે ૪ લાખની મર્યાદા

(વિનોદ ગાલા દ્વારા)ભુજ,તા. ૨૬:  ચૂંટણીપંચની ગાઇડલાઈન અનુસાર કચ્છમાં સ્થાનિક સ્વરાજયની ચૂંટણીમાં ખર્ચનો હિસાબ નહીં આપનાર ઉમેદવારોને જિલ્લા ચૂંટણી શાખાએ નોટિસ આપી છે.

હાલમાં ઉમેદવારોને ખર્ચની મર્યાદા આ પ્રમાણે છે. ૯ વોર્ડ ધરાવતી નગરપાલિકામાં ઉમેદવાર દોઢ લાખ રૂપિયા જયારે ૯ થી વધુ વોર્ડ ધરાવતી નગરપાલિકામાં ઉમેદવાર સવા બે લાખ રૂપિયા ખર્ચ કરી શકે છે.

જયારે તા.પં. માટે ઉમેદવારને બે લાખ જયારે જિ.પં. માટે ૪ લાખની ખર્ચની મર્યાદા છે. હાલના તબક્કે ૮૦ જેટલા ઉમેદવારોએ હિસાબ સમયસર નહીં આપતા તેમને નોટિસ આપીને ખુલાસો પૂછી હિસાબ રજૂ કરવા જણાવાયું છે.

(10:19 am IST)
  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST