Gujarati News

Gujarati News

News of Friday, 26th February 2021

ચુડાનાં કરમડની યુવતીનાં ફોટો પાડી વાયરલ કરવાની ધમકી આપી કૌટુંબીક ભાઈએ અવારનવાર દુષ્કર્મ ગુજાર્યું

પરિવારજનોએ હિંમત અને સાથ આપતા યુવતીએ વિનોદ પરમાર વિરુદ્ધ ચુડા પોલીસ મથકે ફરિયાદ નોંધાવી

ચુડા તાલુકાનાં કરમડ ગામની યુવતીનાં તેના કૌટુંબીક ભાઈ વિનોદ નાથાભાઈ પરમારે લગભગ છ વર્ષ પહેલા યુવતીનો જાણ બહાર મોબાઈલ ફોનમાં ફોટો પાડી લીધા હતા. ફોટા ઈન્ટરનેટ પર ફરતા કરી દેવાની ધમકી આપી અમદાવાદ રહેતા પુંજાભાઈ પિતાંબરભાઈનાં ઘરમાં લઈ જઈ યુવતી સાથે અવાર-નવાર દુષ્કર્મ કરતો હતો. સમાજમાં બદનામ થવાનાં ડરે 1 વર્ષ સુધી યુવતીએ બધું સહન કર્યું હતું.

 પાંચેક વર્ષ પહેલાં ધ્રાંગધ્રા તાલુકાનાં વાવડી ગામે યુવતીનાં લગ્ન થયા હતા.લગ્ન બાદ યુવતી જયારે પણ પિયર કરમડ ગામે આવતી ત્યારે-ત્યારે કૌટુંબીક ભાઈ વિનોદ પરમાર યુવતીનાં ફોટો સોશિયલ મીડિયામાં ફરતા કરી કે યુવતીનાં પતિને દેખાડી દેવાની, જાનથી મારી નાખવાની ધમકી આપી યુવતીને મળવા બોલાવતો હતો. યુવતીએ શારીરિક અને માનસિક ત્રાસથી કંટાળી સમગ્ર ઘટના અંગે માતા, પિતા, ભાઈ, ભાભીને જાણ કરી દીધી હતી. પરિવારજનોએ હિંમત અને સાથ આપતા યુવતીએ વિનોદ પરમાર વિરુદ્ધ ચુડા પોલીસ મથકે ફરિયાદ નોંધાવી હતી

(11:31 pm IST)
  • ભારતના વધુ ઍક બોલર વિનયકુમારે પણ ક્રિકેટને કર્યુ અલવિદા : તમામ ફોર્મેટમાંથી નિવૃતિ લીધાનું સોશ્યલ મીડિયા પર કરી જાહેરાત : ૨૦૧૦માં ભારત માટે ડેબ્યુ કરનાર ફાસ્ટ બોલર વિનયકુમારે તેઓની કારકિર્દીમાં ૩૧ વન-ડેમાં ૩૮ વિકેટ અને ૯ ટી-૨૦માં ૧૦ વિકેટ લીધી હતી : તેઓ ઍક પણ ટેસ્ટ મેચ રમ્યા નથી તે પહેલા જ તેમને ક્રિકેટને અલવિદા કરી દીધુ access_time 6:06 pm IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST