Gujarati News

Gujarati News

News of Tuesday, 26th January 2021

ગણતંત્રદિનની પૂર્વ સંધ્યાએ આજે સાંજે સાંઇરામ દવે અને સાથી કલાકારો દ્વારા રાજુલામાં વિરાંજલી કાર્યક્રમ

ભુધરજી જોશી લિખિત અને સાંઇરામ સંપાદિત પુસ્તક 'ગાંધીદર્શની'નું વિમોચન : ફેસબુક - યુ ટયુબ પર પ્રસારણ

રાજકોટ તા. ૨૬ :  કાલે પ્રજાસત્તાક  પર્વ છે. ત્યારે દેશવાસીઓને રાષ્ટ્રભકિતના રંગે રંગવા જાણીતા હાસ્ય કલાકાર સાંઇરામ દવે અને સાથી કલાકારો દ્વારા એક અનોખો વિરાંજલી કાર્યક્રમ યોજવામાં આવેલ છે.  રાજુલા તાલુકાના દેવકા વિદ્યાપીઠ ખાતે આજે તા. ૨૫ ના સોમવારે સાંજે ૭ થી ૧૦ સુધી ભાગવતાચાર્ય પૂ. રમેશભાઇ ઓઝાની પ્રેરક ઉપસ્થિતિમાં યોજાયેલ આ કાર્યક્રમ દરમિયાન સાંઇરામ દવે સંપાદિત અને કવિશ્રી ભુધરજી લાલજી જોશી લિખિત પુસ્તક 'ગાંધીદર્શની' નું વિમોચન કરાશે. સમગ્ર કાર્યક્રમનું દેવાંગભાઇ પટેલ ઇપ્કો નડીયાદવાળાના સહયોગથી સંસ્કાર ચેનલ પરથી રાત્રે ૧૦ વાગ્યાથી પ્રસારણ કરાશે. તેમજ સાંઇરામ દવેનના ઓફીસીયલ ફેસબુક પેજ અને યુ-ટયુબ ચેનલ પર તેમજ સાંદીપની વિદ્યાનિકેતનના ફેસબુક પેજ પર લાઇવ પ્રસારણ નિહાળી શકાશે. દેશભકિતના ગરવા ગીતો અને રાષ્ટ્રપ્રેમથી રસતરબોળ વાતોની રસલ્હાણ પીરસાશે. રસ ધરાવનારાઓએ લાઇવ કાર્યક્રમ અચુક માણવા અનુરોધ કરાયો છે.

(4:21 pm IST)
  • લાઇન ઓફ કન્ટ્રોલ ઉપર ચીન-ભારતના સૈનિકો વચ્ચે અથડામણ થયાના અહેવાલો મળે છે. ભારતીય જવાનોએ ફરી ચીનાઓને મૂહતોડ જવાબ આપી તગેડી મૂક્યા access_time 10:21 am IST

  • કેન્દ્રના નવા ખેડૂત કાનૂનોના વિરોધમાં આજે ખેડૂતોએ દિલ્હીની સરહદો ઉપરથી મધ્ય દિલ્હી તરફ ટ્રેક્ટર કુચ કરી છે. નાનગ્લોઈ જંકશન ઉપર નિર્ધારિત રૂટના બદલે પોલીસ બેરીકેડ તોડીને મધ્ય દિલ્હી તરફ ખેડૂતો આગળ વધી રહ્યા હોવાનું એનડીટીવીનો અહેવાલ જણાવે છે. સ્થિતિ તનાવપૂર્ણ. અર્ધ લશ્કરી દળો અને પોલીસ મોટા પાયે અહીં છે. access_time 12:26 pm IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST