Gujarati News

Gujarati News

News of Wednesday, 25th November 2020

જામનગર કોર્પોરેશન દ્વારા સોશ્યલ ડીસ્ટન્સીંગ - માસ્ક સહિતના મુદે દંડનાત્મક કાર્યવાહી

(મુકુંદ બદિયાણી દ્વારા) જામનગર, તા.૨૫: તાજેતરમાં કોરોના સંક્રમણ કેસ વધતા જામનગર મહાનગપાલિકા દ્વારા શહેરમાં કોરોના સંક્રમણ અટકાવવા અંગેની સરકારશ્રીની ગાઈડ લાઈન અનુસાર લોકોને જાહેરમાં ન થુંકવા, સોશિયલ ડીસ્ટન્સીંગનું પાલન કરવા તથા જાહેરમાં ફેસ માસ્ક ઉપયોગ કરવા અંગે ઝુંબેશ શરૂ કરવામાં આવેલ છે. જે અનુસંધાને સરકારશ્રીની વખતો વખતની ગાઈડ લાઈનની અમલવારી ન કરતા લોકો સામે દંડનાત્મક કાર્યવાહી હાથ ધરવામાં આવેલ છે.

શહેરના દુકાન, મોલ્સ, જાહેર માર્કટ વિગેરેમાં દિવસ તથા રાત્રી દરમ્યાન ઝુંબેશ હાથ ધરવામાં આવેલ છે. જે સબબ છેલ્લા ૩ દિવસમાં ર્મ.૪૮,૦૦૦/- જેટલો દંડની વસુલાત મહાનગરપાલિકા દ્વારા કરવામાં આવેલ. આ ઝુંબેશ આવનાર દિવસોમાં પણ અવિરત ચાલુ રહેશે. આથી જાહેર જનતાને શહેરમાં કોરોના સંકમણ અટકાવવા સોશિયલ ડીસ્ટન્સીંગ જાળવવા, જાહેરમાં માસ્ક પહેરવા તથા જાહેરમાં ન થુંકવા અપીલ કરવામાં આવે છે. અન્યથા મહાનગરપાલિકા દ્વારા દંડનાત્મક કાર્યવાહી કરવામાં આવશે.

(12:58 pm IST)
  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST

  • અમદાવાદમાં 45 નવા કન્ટેન્મેન્ટ ઝોન જાહેર : અમદાવાદ મ્યુનિસિપલ કોર્પોરેશને અમદાવાદ શહેરમાં 45 નવા માઇક્રો કન્ટેનમેન્ટ ઝોન જાહેર કર્યા. access_time 9:54 pm IST

  • દિલ્હીમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 5246 કેસ નોંધાયા : વધુ 99 લોકોના સારવાર દરમિયાન મોત: કુલ કેસનો આંકડો 5,45,787 પહોંચ્યો access_time 11:57 pm IST