Gujarati News

Gujarati News

News of Wednesday, 25th November 2020

જુનાગઢ બાદ ઉપલેટામાં ભાજપ પ્રમુખ સંજય માકડીયાના પત્નિ દ્વારા ચલાવાતા જુગારધામનો પર્દાફાશ

જુદા-જુદા ગામોમાંથી બોલાવીને ભાવના માકડીયા જુગાર રમાડતી હોવાનું ખુલ્યુ

(કૃષ્ણકાંત ચોટાઇ દ્વારા) ઉપલેટા તા.રપ : અહિયા કાલે તાલુકા ભાજપના પ્રમુખ સંજય માકડીયાના પત્નિ દ્વારા ચલાવાતું મહિલા જુગારધામ ઝડપાયા આખા શહેરમાં આ જુગારધામ ચર્ચાનો વિષય બનેલ છે. ખાસ કરીને કડવા પાટીદારોમાં ઉપલેટાના માકડીયા કુટુંબ મોટુ અને પ્રતિષ્ઠિત ગણાય છે. ત્યારે આ જુગારધામ પકડાતા પાટીદાર મહિલાઓમાં પણ આજ વાત થતી હતી.

આ બનાવની વિગત એવા પ્રકારની છે કે અહિયા યાદવ રોડ ઉપર આવેલ ''ગોકુલધામ'' મકાનમાં મહિલાઓ માટે મહિલા દ્વારા જુગારધામ ચલાવતું હોવાની પોલીસને બાતમી મળતા ગઇ કાલે સાંજના છ વાગ્યાની આજુબાજુ ગોકુલધામ મકાન ઉપર પોલીસે રેડ પાડતા ૭ મહિલાઓને જુગાર રમતા રૂ.૭૧૦૦૦/- રોકડા સાથે ઝડપી પાડી હતી આ સાત મહિલાઓમાં (૧) ભાવનાબેન સંજય માકડીયા-ઉપલેટા અનુબેન રમેશ પટેલ-ઉપલેટા, (૩) હેતલ જગદિશ ગોસાઇ-ઉપલેટા (૪) નર્મદાબેન નથુભાઇ વાડીયા-ઉપલેટા (પ) મુમતાજ રફીકભાઇ-ધોરાજી (૬) અલ્પાબેન સંજય ચાવડા (૭) જયશ્રી નીલેષ રાખોલીયા ધોરાજીવાળાનો સમાવેશ થાય છે.

આ જુગારમાં સૌથી મહત્વની બાબતએ છે  જુગારધામ-ઉપલેટા તાલુકા ભાજપના પ્રમુખ પત્નિ ભાવના જુદા જુદા ગામોમાંથી મહિલાઓને બોલાવીને ચલાવતા હતા ભાજપના આગેવાનો દ્વારા ભાવનાબેનનું નામ કઢાવવા એડીચોટીનું જોર લગાવેલ પણ વાત આખા શહેરમાં ફેલાઇ જતા પોલીસે આવુ જોખમ લેવા તૈયાર થઇ નહોતી.

અત્રે ઉલ્લેખનીય છે કે રવિવારે રાત્રે જુનાગઢ ભાજપ અગ્રણીના પાર્ટી પ્લોટમાંથી પણ જુગારધામ ઝડપાયું હતું. હેવે ઉપલેટામાંથી ઝડપાયું છે.

(11:40 am IST)
  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • વર્ચ્યુઅલ એક્સપો 2020 એક વર્ષના સમયગાળા માટે ૧ ડિસેમ્બરથી શરૂ થશે : ફિકી દ્વારા નેટ ઉપર એન્યુઅલ વર્ચ્યુઅલ એક્સપો 2020 એક વર્ષના સમયગાળા માટે 11 ડિસેમ્બર 2020 ના રોજ શરૂ થશે. access_time 11:30 pm IST

  • દિલ્હીમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 5246 કેસ નોંધાયા : વધુ 99 લોકોના સારવાર દરમિયાન મોત: કુલ કેસનો આંકડો 5,45,787 પહોંચ્યો access_time 11:57 pm IST