Gujarati News

Gujarati News

News of Sunday, 25th October 2020

બોટાદમાં પાટીદાર નેતા દિલીપ સાબવા ભાજપમાં જોડાયા, સીઆર પાટીલે ખેસ પહેરાવી કર્યું સ્વાગત

તેમની સાથે સૌરાષ્ટ્ર અને સુરતના આગેવાનોએ પણ કેસરિયો ધારણ કર્યો

બોટાદઃ રાજ્યમાં ચૂંટણીની મોસમ ચાલી રહી છે.ભાજપ અને કોંગ્રેસ ચૂંટણી પ્રચાર કરી રહ્યાં છે અન્ય પાર્ટીના કાર્યકર્તાઓ તથા આગેવાનોને પોતાની પાર્ટીમાં પણ સામેલ કરી રહ્યાં છે.ત્યારે પાટીદાર નેતા દિલીપ સાબવાએ કેસરિયો ખેસ ધારણ કરી લીધો છે.આજે ભાજપના પ્રદેશ અધ્યક્ષ સીઆર પાટીલ બોટાદના પ્રવાસે હતા. તેમની હાજરીમાં પાટીદાર નેતા દિલીપ સાબવા ભાજપમાં જોડાયા છે. તેમની સાથે સૌરાષ્ટ્ર અને સુરતના આગેવાનો પણ ભાજપમાં જોડાયા હતા.

દિલીપ સાબવાની સાથે ભાવનગર જિલ્લા કોંગ્રેસના દિગ્ગજ નેતા અને પ્રદેશ પ્રતિનિધિ નાનુંભાઈ ડાખરા પણ ભાજપમાં જોડાયા છે. ભાજપના પ્રદેશ અધ્યક્ષે કેસરિયો ખેસ પહેરાવી ભાજપમાં સામેલ કર્યા હતા.

ગુજરાતમાં આગામી 3 નવેમ્બરે વિધાનસભાની 8 સીટો પર પેટાચૂંટણી માટે મતદાન થવાનું છે. બંન્ને પાર્ટીએ ઉમેદવારો જાહેર કર્યા બાદ હવે જનતાને પોતાના પક્ષમાં કરવા ચૂંટણી પ્રચાર શરૂ કરી દીધો છે. પેટાચૂંટણીનું પરિણામ 10 નવેમ્બરે જાહેર થશે.

(9:12 pm IST)
  • 26 થી 29 ઓક્ટોબર દરમિયાન દિલ્હીમાં આર્મી કમાન્ડર્સની કોન્ફરન્સ યોજાશે access_time 10:07 pm IST

  • અલકાયદાનો માસ્ટરમાઈન્ડ મોહસીન અલ મિશ્રી માર્યો ગયો : આતંકી સંગઠન અલકાયદાનો માસ્ટરમાઈન્ડ મોહસીન અલ મિશ્રી અફઘાન દળોના હાથે ઠાર મરાયો છે. અફઘાનિસ્તાનના ગજની પરગણાના અંડાર જિલ્લામાં એક ઓપરેશનમાં મોહસીન માર્યો ગયાનું અફઘાન સમાચાર સંસ્થાએ જાહેર કર્યું છે. access_time 2:19 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST