Gujarati News

Gujarati News

News of Tuesday, 25th June 2019

ચાલુ કોર્ટે કાર્યવાહી વેળાએ ટંકારા પોલીસના હાથમાંથી આરોપી ભાગ્યો : યુવાનોએ પકડી પોલીસને હવાલે કર્યો

બાબુ નામનો આરોપી ભાગીને દિવાલ કુદીને જિમખાનાના મેદાનમાં પ્રવેશી ગયો

ટંકારા, તા. ર૪ : પોલીસના એક ચોરીના ગુનામાં રહેલ ચાર જેટલા આરોપીના રીમાન્ડ પૂર્ણ થતાં ટંકારા પોલીસના હસુભાઇ પરમાર અને વિનુભાઇ નામના જમાદાર કોર્ટમાં આરોપીને રજૂ કરવા આવ્યા હતાં. રવિવાર હોય જજના બંગલે આરોપીને લઇ જવામાં આવ્યા હતાં. જયાં એક બાબુ નામનો આરોપી હસુ પરમારના હાથમાંથી નાસી છૂટયો હતો અને લાલબાગમાં થઇને જીમખાનાની દિવાલ કુદીને જીમખાનાના મેદાનમાં પ્રવેશી ગયો હતો.

જીમખાનાની બીજી દિવાલ જે થોડી પ્રમાણમાં ઉંચી છે તે પોતાના ભારે શરીરના કારણે ના ઓળંગી શકતા બાબુ નામના આરોપી પાછળ દોડ લગાવેલ. સ્થાનિક યુવાનોએ બાબુને ઝડપી લીધો હતો. દરમિયાન બાબુ પાછળ દોડ લગાવનાર જમાદાર હસુભાઇ પરમાર પહોંચી જતા આરોપી તેના હવાલે કરવામાં આવ્યો હતો.

જેવો જ આરોપી હાથ લાગ્યો હતો કે હસુભાઇ પરમાર અને એક જમાદાર સિંહ થઇ ગયા હતાં અને વધુ આરોપીને સ્થળ ઉપર જ માર મારવા લાગ્યા હતાં અને પોતાની બહાદુરી બતાવવા લાગ્યા હતા.

(11:41 am IST)
  • હોમગાર્ડ રોકી રોન્ગ સાઈડમાં જતી કાર :ભાજપના નેતાએ માર્યો લાફો :બોનેટ પર ચડાવીને ઢસડ્યો : હરિયાણાના રેવાડીના ભાજપ નેતા સતીશ ખોડાની દબંગાઈ :હોમગાર્ડના જવાનને કારના બોનેટમાં ચડાવીને ઢસડ્યો access_time 1:18 am IST

  • ધૂપછાંવ માહોલ વચ્ચે રાજકોટમાં ૩૩ ડિગ્રી : ઉકળાટ- બફારો યથાવત : ભેજનું પ્રમાણ ૬૧% : પવનની ગતિ ૧૨ કિ.મી. access_time 3:21 pm IST

  • સુરતના કીમમાં ઠેર ઠેર પાણી ભરાયા :સાધના હોસ્પિટલમાં પાણી ઘુસ્યા સુરતમાં પ્રથમ વરસાદે જ કિમ ગ્રામ પંચાયતની પ્રિમોન્સૂન કામગીરીની પોલ ખોલી નાખી છે. કિમના સાધના હોસ્પિટલ નજીક વરસાદી પાણી ભરાયા છે, જયારે અમૃતનગર અને શિવાજીનગર જવાના માર્ગ પર પાણી ભરાતા સ્થાનિકોએ હાલાકીનો સામનો કરવો પડ્યો છે. access_time 7:56 pm IST