Gujarati News

Gujarati News

News of Monday, 25th June 2018

સુત્રાપાડાના કદવાર અને હિરાકોટ બંદર વચ્ચે રસ્તામાં વિવાદીત રસ્તાની અધૂરી કામગીરી પૂર્ણ કરવા રજૂઆત

પ્રભાસપાટણ તા.૨૫ : સુત્રાપાડા તાલુકાના કદવાર ગામે માર્ગ અને મકાન વિભાગ દ્વારા પંચાયત હસ્તકનો કદવાર ગામથી હિરાકોટ બંદર રોડ લંબાઇ ૧.૫ કીમી અંદાજીત ૪૫૦૦૦ લાખમાં મંજૂર થયેલ. જેમાં પ્લાન્ટ એસ્ટીમેન્ટ થતા કામના પૈસા મંજુર થયેલ. જે કામ પુરૂ કરતા કદવાર ગામના બસ સ્ટેશનની ૪૫૦ મીટરના અંતરે બંદર જતા રસ્તામાં ૨૦૦ મીટર જેટલી જગ્યા વિવાદીત હોવાને કારણે રસ્તાનું કામ થઇ શકેલ નથી. જેથી આ રસ્તો બનાવવા બાબતે જમીન સંપાદન થાય તેવી કાર્યવાહી કરવી જરૂરી છે.

સુત્રાપાડા તાલુકા પંચાયતના સભ્ય દૂધીબેન ભગવાનભાઇ ખુંટ દ્વારા કાર્યપાલક ઇજનેર માર્ગ અને મકાન વિભાગ ગીર - સોમનાથ, મહેસુલમંત્રી ગાંધીનગર, કલેકટર ગીર - સોમનાથ, સાંસદ ચુનીભાઇ ગોહેલ, સાંસદ રાજેશ ચુડાસમાને લેખીતમાં રજૂઆત કરી છે અને બાકી રહેલ ૨૦૦ મીટરનું કામ તાત્કાલીક વરસાદ વરસે તે પહેલા પૂર્ણ કરવા માંગણી કરેલ છે.

(12:09 pm IST)
  • દક્ષિણ ગુજરાત બાદ વડોદરામાં પણ વરસાદે બઘળાટી બોલાવી : બપોરે અચાનક જ વડોદરામાં ધોધમાર વરસાદ શરુ થયો : આ સાથે ગુજરાતમાં સત્તાવાર રીતે ચોમાસું બેસી ચૂક્યું છે, અને રવિવાર રાતથી જ રાજ્યના મોટાભાગના વિસ્તારોમાં વરસાદ વરસી રહ્યો છે. access_time 4:29 pm IST

  • હવે મદ્રેસાના શિક્ષણમાં ફેરફારની તૈયારી :શિક્ષણ સંસ્થાઓને મદરસા બોર્ડ અથવા સ્ટેટ બોર્ડ પાસેથી પરવાનગી લેવી ફરજિયાત બનાવાશે :માનવ સંસાધન મંત્રાલય (HRD) મદરસા શિક્ષામાં ફેરફાર કરવાની યોજના :મદરસાઓમાં અભ્યાસ કરતાં વિદ્યાર્થીઓને સારી ગુણવત્તાનું શિક્ષણ આપવાનો ધ્યેય access_time 1:10 am IST

  • પાકિસ્તાનમાં એનએ-182 મુજ્જફરગઢ અને પીપી-270 બેઠક પરથી અપક્ષ ઉમેદવાર મોહમ્મદ હુસૈન શેખે 403 અબજની સંપત્તિ જાહેર કરી છે. પાકિસ્તાનના પૂર્વ વિદેશ પ્રધાન હિના રબ્બાની ખાર તથા રાષ્ટ્રીય ધારાસભાના પૂર્વ સભ્ય જમશેદ દસ્તી પણ આ બેઠક પરથી ઉમેદવાર છે. મોહમ્મદ હુસૈન શેખની સંપત્તિ ભારતના સૌથી ધનવાન સાંસદની સંપત્તિ કરતાં પાંચ ગણી વધારે છે. access_time 12:19 am IST