Gujarati News

Gujarati News

News of Sunday, 24th June 2018

સરકાર ફક્ત કાયદાઓ જ ઘડવામાં માને છે કે તેનો ચુસ્ત અમલ પણ કરાવશે?

ગીરમાં સીંહબાળને પરેશાન કરતો વધુ એક વિડીયો થયો સોશ્યલ મીડિયામાં વાયરલ

ગીર ગઢડાઃ જેની એક ત્રાડથી પગ નીચેથી જમીન સરકી જાય તેવાં ગીરનાં સાવજની, ગીરનાં ધણીની આજે દયનીય સ્થિતિ જોવાં મળી રહી છે. કહેવાય છે કે, ભૂખ ક્યારેય કોઈની સગી થતી નથી. ગીરનાં સાવજોની પણ આવી જ સ્થિતિ છે.

તેવામાં વધુ એક સાવજની પજવણી કરતો એક વધુ વીડિયો વાયરલ થયો છે. આ વીડિયો ગીર ગઢડાનાં ફરેડા ગામનો છે. જ્યાં એક વાડીમાં મોડી રાત્રે ઝાડ સાથે એક મરઘીને બાંધીને બાળ સિંહને લાલચ આપવામાં આવી રહી છે. સિંહ બાળ મરઘીને પકડવાની જેવી કોશિશ કરે છે કે કેટલાંક શખ્સો તેને દોરી વડે ઊંચે ખેંચી લે છે.

સિંહ બાળ પણ ભૂખનું માર્યું વારંવાર લાલચમાં તેને પકડવાની કોશિશ કરે છે. આ દ્રશ્યોમાં સ્પષ્ટપણે જોઈ શકાય છે કે, કેવી રીતે સિંહબાળની પજવણી કરવામાં આવી રહી છે. જોકે આ વિડીયો ક્યારે અને ક્યા સમયે રેકોર્ડ કરાયો છે તે હજુ જાની શકાયું નથી. મહત્વનું છે કે, આ પહેલાં પણ સિંહની પજવણીનો એક વીડિયો સામે આવી ચૂક્યો છે. જેમાં પણ કેટલાંક શખ્સો સિંહને મરઘીની લાલચ આપી તેની પજવણી કરતા ઝડપાયાં હતાં.

પરંતુ આ પજવણીનાં દ્રશ્યો પરથી અનેક સવાલો પણ ચોક્કસપણે ઊઠે કે આ સાવજને રંજાડનારા આ નરાધમો કોણ છે? કેમ વારંવાર આ પ્રકારનાં વીડિયો સામે આવ્યાં બાદ પણ વનવિભાગ ચૂપ કેમ છે. સિંહની આ રીતે વારંવાર પજવણી કરવી એ કેટલી યોગ્ય છે. મહત્વનું છે કે છેલ્લાં કેટલાંય સમયથી સિંહ દર્શનનાં નામે સિંહની પજવણી થાય છે પરંતુ આ પ્રકારનાં દ્રશ્યો સામે આવ્યાં બાદ પણ વન વિભાગની આંખો ખુલે છે કે નહીં તે હવે જોવાનું રહ્યું.

(12:31 am IST)
  • દક્ષિણ ગુજરાત બાદ હવે દમણમાં મેઘો મંડાયો : મોડી રાત્રે દમણમાં દે-દનાદન વરસાદ થયો શરૂ : ભારે વરસાદના લીધે નીચાણ વાળા વિસ્તારોમાં પાણી ભરાયા access_time 12:59 am IST

  • બનાસકાંઠામાં ભગવાન પરશુરામજીનો અભદ્ર ફોટો સોશ્યલ મીડિયામાં વાયરલ કરનાર શખ્શના વિરોધમાં બ્રાહ્મણ સમુદાયમાં ભારે રોષ :ધાનેરાના નટવર પારધી નામના શખ્શ સામે ફરિયાદ દાખલ કરીને કડક કાર્યવાહી કરવા બ્રાહ્મણ સમુદાયની માંગણી access_time 1:19 pm IST

  • પાકિસ્તાનમાં એનએ-182 મુજ્જફરગઢ અને પીપી-270 બેઠક પરથી અપક્ષ ઉમેદવાર મોહમ્મદ હુસૈન શેખે 403 અબજની સંપત્તિ જાહેર કરી છે. પાકિસ્તાનના પૂર્વ વિદેશ પ્રધાન હિના રબ્બાની ખાર તથા રાષ્ટ્રીય ધારાસભાના પૂર્વ સભ્ય જમશેદ દસ્તી પણ આ બેઠક પરથી ઉમેદવાર છે. મોહમ્મદ હુસૈન શેખની સંપત્તિ ભારતના સૌથી ધનવાન સાંસદની સંપત્તિ કરતાં પાંચ ગણી વધારે છે. access_time 12:19 am IST