Gujarati News

Gujarati News

News of Friday, 25th May 2018

ભાવનગરના વીઝા એજન્ટ કૃણાલ પટેલના કારનામાઃ વર્ક પરમિટ બહાને લાખો કટકટાવ્યા

વડોદરા તા.રપ : કેનેેડામાં વર્ક પરમિટ અપાવવાને બહાને બે યુવકો પાસે ભાવનગરના વિઝા એજન્ટે બે યુવકો પાસે રૂ.રર.૩૯ લાખ પડાવી લેતા ગોત્ર પોલીસ સ્ટેશન ફરિયાદ નોંધાઇ છે.

માંજલપુરની દરબાર ચોકડી પાસે ગેલેકસી સોસાયટીમાંં રહેતા અને ખાનગી ફાયનાન્સ કંપનીમાં એકિઝકયુટિવ તરીકે ફરજ બજાવતા કિરણ વિજયસિંહ મોહિતેએ પોલીસને જણાવ્યું છે કે, માર્ચ - ર૦૧૭માં નવસારીના પરિચિત પરેશ કિશોર રાવ મારફતે મુળ વડોદરાના ભાયલીના વતની મેહુલ ઉર્ફે કૃનાલ ભુપેન્દ્રભાઇ પટેલ (હાલ રહે. ગોકુલધામ સોસાયટી, ભાવનગર)ના સંપર્કમાં આવ્યો હતો. મેહુલે અલ્કાપુરીની વેલકમ હોટલમાં મીટીંગ કરી કેનેડાના વર્ક પરમીટ માટે રૂ.૧પ લાખનો ખર્ચ થશે તેમ કહેતા કિરણે ટુકડે ટુકડે કુલ રૂ.પ.૩૯ લાખ ચુકવ્યા હતા. તેણે ત્રણ મહિનામાં વીઝા મળી જશે તેવી ખાતરી આપી હતી. પરંતુ આજ સુધી વિઝા મળ્યા નથી.

તપાસ કરતા મારી સાથે રોનક કનુભાઇ પટેલ (રહે. નંદનવન સોસ. સમા) પાસે પણ આજ રીતે કેનેડા માટે રૂ.૧૭ લાખ લીધા હોવાની વિગતો મળી હતી. બીજા પણ અનેક યુવકો તેની જાળમાં ફસાયા હોવાની શંકા સેવાઇ રહી છે.

(3:52 pm IST)
  • ચોમાસાનાં શુભ-સમાચાર : ચોમાસું દક્ષિણ આંદામાનમાં બેસી ગયું : હવે ટૂંક સમયમાં જ કેરળની વાટ પકડશે : ત્યાંથી કોંકણ માર્ગે થઈને મુંબઈ સહિત સમગ્ર મહારાષ્ટ્રમાં પ્રવેશશે access_time 4:51 pm IST

  • મણિપુર અને પાંચ કેન્દ્ર શાસિત રાજ્યોમાં ઈ-વે બિલ પ્રણાલી લાગુ :રાજ્યમાં 50 હજાર રૂપિયાથી વધુના સામાનના પરિવહન માટે ઈ-વે બિલ જરૂરી બનશે :હવે રાજ્યની અંદર વસ્તુઓની હેરફેર માટે ઈ-વે બિલ પ્રણાલી 27 રાજ્યો સહીત કેન્દ્ર શાસિત પ્રદેશમાં લાગુ થઇ ગઈ છે :શુક્રવારે જે રાજ્યોમાં આ પ્રણાલી લાગુ કરાઈ તેમાં ચંદીગઢ,આંદામાન અને નિકોબાર દ્વીપ સમૂહ। દાદરાનગર હવેલી।દમણ અને દીવ અને લક્ષદ્વીપ સામેલ છે access_time 1:24 am IST

  • રાજકોટમાં વોકહાર્ટ હોસ્પિટલમાં 24 વર્ષના યુવાન હાર્દિક હડિયા બ્રેઇનડેડ જાહેર :અંગદાનનો નિર્ણય બાદ રાજકોટના ઇતિહાસમાં સૌપ્રથમ વાર ગ્રીન કોરિડોરની વ્યવસ્થા :એર એબ્યુલન્સથી પાંચ વ્યક્તિને નવજીવન મળશે :મૂળ લીલાખાનાં યુવકના આંખ,કિડની,હૃદય,સહિતના અંગોની દાન કરાયું access_time 12:59 am IST