Gujarati News

Gujarati News

News of Friday, 25th May 2018

માંગરોળના ભાટ ગામની અપહૃત કિશોરી હાથપગ બાંધેલી હાલતમાં ખેતરમાંથી બેભાન સ્થિતિમાં મળી

બુકાનીધારીઓએ અપહરણ કરી કેફી પીણું પીવડાવી હાથપગ બાંધી કોથલામ પુરી દીધી હતી

જૂનાગઢ:માંગરોળ તાલુકાના ભાટગામે 13 વર્ષિય કિશોરીના અપહરણ બાદ હાથપગ બાંધેલી હાલતમાં ખેતરમાંથી બેભાન સ્થિતિમાં મળી આવી છે કિશોરીના પરિવારજનોના કહેવા મુજબ કેટલાક  બુકાનીધારી અજાણ્યા શખ્સોએ કિશોરીને ઉપાડી ગયા હતા. કિશોરીનું અપહરણ કર્યા બાદ તેને કેફી પીણું પીવડાવીને હાથપગ બાંધી કોથળામાં પૂરી દેવામાં આવી હતી.

   આ કિશોરી ગુમ થયા બાદ પરિવારના લોકોએ તેની શોધખોળ આદરી હતી. શોધખોળ દરમિયાન કિશોરી ઘરથી દૂર એક ખેતરમાંથી મળી આવી હતી. કિશોરી મળી આવી ત્યારે તેના હાથપગ બાંધેલા હતા. એટલું જ નહીં તેને એક કોથળામાં બાંધીને ફેંકી દેવામાં આવી હતી. કિશોરી જ્યારે મળી આવી ત્યારે તે બેભાન હાલતમાં હતી. પરિવારના લોકોએ આ અંગેની જાણ કરતા પોલીસ તાત્કાલિક ઘટના સ્થળે દોડી આવી હતી.

પોલીસ સ્થળની મુલાકાત લઈને કિશોરીને સારવાર માટે હોસ્પિટલમાં ખસેડી હતી તેમજ આ અંગે અજાણ્યા લોકો સામે અપહરણનો ગુનો નોંધીને તપાસ હાથ ધરી હતી.

અપહરણ અંગે પરિવારના સભ્યોએ જણાવ્યું હતું કે કિશોરી સાંજે ફળિયામા બાંધેલી ગાયને જોવા ગઈ હતી ત્યારે તેનું કોઈ અજાણ્યા શખ્સોએ અપહરણ કરી લીધું હતું. તપાસ બાદ તે ખેતરમાંથી બેભાન હાલતમાં મળી આવી હતી. કિશોરીએ હાલમાં સાતમાં ધોરણની પરીક્ષા આપી છે.

(12:02 pm IST)
  • મણિપુર અને પાંચ કેન્દ્ર શાસિત રાજ્યોમાં ઈ-વે બિલ પ્રણાલી લાગુ :રાજ્યમાં 50 હજાર રૂપિયાથી વધુના સામાનના પરિવહન માટે ઈ-વે બિલ જરૂરી બનશે :હવે રાજ્યની અંદર વસ્તુઓની હેરફેર માટે ઈ-વે બિલ પ્રણાલી 27 રાજ્યો સહીત કેન્દ્ર શાસિત પ્રદેશમાં લાગુ થઇ ગઈ છે :શુક્રવારે જે રાજ્યોમાં આ પ્રણાલી લાગુ કરાઈ તેમાં ચંદીગઢ,આંદામાન અને નિકોબાર દ્વીપ સમૂહ। દાદરાનગર હવેલી।દમણ અને દીવ અને લક્ષદ્વીપ સામેલ છે access_time 1:24 am IST

  • પાકિસ્તાનમાં ઈદના અવસરે ભારતીય ફિલ્મો પર પ્રતિબંધ :પાકિસ્તાનના માહિતી -પ્રસારણ મંત્રાલયે પ્રતિબંધ લગાવતા એવો તર્ક કર્યો છે કે તેનાથી ક્ષેત્રીય પ્રાદેશિક ફિલ્મોને પ્રોત્સાહન મળશે :ભારતીય ફિલ્મો પર આ પ્રતિબંધ ઈદના બે દિવસ પહેલાથી લઈને ઈદ બાદ બે સપ્તાહ સુધી લાગુ રહેશે access_time 1:08 am IST

  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST