Gujarati News

Gujarati News

News of Friday, 25th May 2018

વિસાવદર તાલુકાના ધ્રાફડ ડેમમાંથી ૭ હજાર ઘનમીટર માટી કઢાઇઃ પાણીના તળ ઉંચા આવશે

જૂનાગઢ, તા.૨પઃ રાજય સરકારના સુજલામ સુફલામ જળ અભિયાનને જુનાગઢ જિલ્લામાં લોક પ્રતિસાદ મળતા સમગ્ર જિલ્લામાં ઠેર ઠેર તળાવો અને ચેકડેમ ઉંડા કરવામાં આવી રહ્યા છે.

વિસવાદર તાલુકામાં આવેલ ધ્રાફડ ડેમ જળ અભિયાનમાં સફળતાનું સાક્ષી બન્યું છે. સિંચાઇ વિભાગ દ્વારા ધ્રાફડ ડેમમાં ફળદ્રુપ માટી કાંપ કાઢવાનું નક્કી થયું ત્યારથી ખેડુતોમાં હર્ષની લાગણી વ્યાપી છે. છેલ્લા ૧૫ દિવસથી ચાલતા ધ્રાફડ ડેમના જળયજ્ઞમાં અત્યાર સુધીમાં ૭૦૦૦ ઘન મીટર માંટીકાંપ કાઢવામાં આવેલ છે. કુલ ૭૮૦૦ ઘનમીટર માટી કાઢવાનું આયોજન હતું. આમ, ધ્રાફડનું કામ પૂર્ણ થયું છે.

હાલ ધ્રાફડમાં બે જેસીબી થી ૩૫ ટ્રેકટર માટી કાઢવા માટે કાર્યરત છે. છ ગામના ખેડુતો માટી પોતાના ખેતરમાં પાથરી રહ્યા છે. આ અભિયાનથી ૩૫૦ વિદ્યા જમીન ફળદ્રુપ થઇ છે તેમ નાયબ કાર્યપાલક ઇજનેર વી.સી.રાખોલીયાએ જણાવ્યું હતું. સરસઇ ગામના મણીભાઇ રીબડીયા અને વલ્લભભાઇ સાવલીયાએ પ્રતિભાવ આપ્યો કે, અમારે ફળદ્રુપ માટીની જરૂર હતી. ધ્રાફડની માટી અમારા માટે કાચા સોના સમાન છે. સરકારના આ અભિયાનથી પાણી આવશે અને જમીન સુધરતા ખેતીની આવકમાં વધારો થશે.

(11:47 am IST)
  • સુપ્રીમ કોર્ટમાં તામિલનાડુના તુતીકોરીનમાં સ્ટરલાઇટ વિરુદ્ધ રેલી દરમિયાન પ્રદર્શનકારીઓને મોત મામલે કોર્ટની દેખરેખ હેઠળ સીબીઆઈ તપાસની માંગ :વકીલ જીએસ મણીએ જનહિત અરજી દાખલ કરી :અરજીમાં તુતીકોરીન જિલ્લાધીશ,પોલીસ અધિક્ષક,અને અન્ય પોલીસ અધિકારીઓ વિરુદ્ધ હત્યાના આરોપ ઘડવા અનુરોધ કર્યો છે :આગામી સપ્તાહે સુનાવણી access_time 1:04 am IST

  • રાજકોટમાં વોકહાર્ટ હોસ્પિટલમાં 24 વર્ષના યુવાન હાર્દિક હડિયા બ્રેઇનડેડ જાહેર :અંગદાનનો નિર્ણય બાદ રાજકોટના ઇતિહાસમાં સૌપ્રથમ વાર ગ્રીન કોરિડોરની વ્યવસ્થા :એર એબ્યુલન્સથી પાંચ વ્યક્તિને નવજીવન મળશે :મૂળ લીલાખાનાં યુવકના આંખ,કિડની,હૃદય,સહિતના અંગોની દાન કરાયું access_time 12:59 am IST

  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા "વર્ષ 2014માં વિધાનસભા ચૂંટણીમાં ભાજપની ચુત્નેય કમિટીમાં મહત્વનું સ્થાન હતું ;ચૂંટણી ઢંઢેરા સમિતિ અને સ્ક્રીનિંગ કમિટીના ચેરમેન બનાવાયા હતા access_time 1:18 am IST