Gujarati News

રાજકોટ, તા. ૨૫ :. રાજકોટ સહિત સૌરાષ્ટ્ર-કચ્છમાં ધોમધખતા તાપમાં સામાન્ય ઘટાડો થયો છે. જો કે બફારો યથાવત રહેતા લોકો પરસેવે રેબઝેબ થઈ રહ્યા છે.

ગઈકાલે મહત્તમ તાપમાનનો પારો ૧ થી ૨ ડિગ્રી નીચે ઉતર્યો હતો તેમ છતા બપોરના સમયે ધોમધખતા તાપનો અહેસાસ થઈ રહ્યો છે.

આવા વાતાવરણ વચ્ચે સવારે પવનના સૂસવાટા ફુંકાઈ રહ્યા છે અને ધૂપછાંવનો માહોલ છવાયેલો રહ્યો છે.

જામનગર

જામનગરઃ શહેરનું તાપમાન ૩૮ મહત્તમ, ૨૭ લઘુતમ, ૮૧ ટકા વાતાવરણમાં ભેજનું પ્રમાણ, ૧૪.૪૬ કિ.મી. પ્રતિકલાક પવનની ઝડપ રહી હતી.