Gujarati News

Gujarati News

News of Monday, 25th March 2019

જૂનાગઢ કોર્પોરેશનમાં ભાજપ ભૂકંપ સર્જશે : લોકસભાની ટીકીટ ફરી રાજેશ ચુડાસમા તરફ : તાલાળામાં જશાભાઈ

બુધવારે વંથલીમાં મુખ્યમંત્રીની હાજરીમાં સંમેલનમાં રાજકીય નવાજૂનીના એંધાણ

રાજકોટ તા. રપઃ ભાજપ દ્વારા ગુજરાતની ૧૬ લોકસભા બેઠકોના ઉમેદવાર જાહેર થયા તેમાં જૂનાગઢ બેઠકનું નામ બાકી રહેતા રાજકીય મોરચે જુદી જુદી ચર્ચા શરૂ થયેલ પરંતુ ગઇકાલે ગાંધીનગરમાં કંઇક રંધાઇ ગયા બાદ ફરી રાજેષ ચુડાસમાને જ ટીકીટ આપવાનું લગભગ નકકી થઇ ગયાનું જાણવા મળે છે. જૂનાગઢ મહાનગર પાલિકાની ચૂંટણી સંસદની ચૂંટણી પછી તુરત આવી રહી છે તેને અનુલક્ષીને કોર્પોરેશનમાં પણ ભાજપ મોટા ઓપરેશનની તૈયારીમાં દેખાય છે. તા. ર૭મીએ પોરબંદર લોકસભા ક્ષેત્રનું વિજય વિશ્વાસ સંમેલન વંથલીમાં મળનાર છે. જેમાં મુખ્યમંત્રી શ્રી વિજય રૂપાણીની હાજરીમાં કોંગ્રેસના પાંચ-સાત કોર્પોરેટરો ભાજપનો ખેસ પહેરે તેવા વાવડ મળે છે.

જૂનાગઢ કોર્પોરેશનમાં વિપક્ષ કોંગ્રેસના ૧૬ કોર્પોરેટરો ચૂંટાયેલા છે તે પૈકી અડધા જેટલા ભાજપ તરફ ઝુકયા છે. કોંગીના એક મોટા માથાએ ભાજપમાં જોડાવાના બદલમાં કોર્પોરેશનની ચૂંટણી બાદ કોર્પોરેશનમાં મોટું પદ આપવાની શરત મૂકયાનું ચર્ચાઇ રહ્યું છે.

લોકસભાની બેઠક માટે ચડાવ-ઉતાર બાદ ફરી વર્તમાન સાંસદ રાજેષ ચૂડાસમાનું નામ પ્રદેશ કક્ષાએથી નકકી કરીને આખરી મંજુરી માટે કેન્દ્રીય નેતાગીરીને મોકલી  અપાયાનું જાણવા મળે છે. છેલ્લી ઘડીના કોઇ અણધાર્યા ફેરફાર ન થાય તો બે-ત્રણ દિ'માં જ ચૂડાસમાના નામની સતાવાર જાહેરાત થઇ જશે.

તાલાળા વિધાનસભા પેટા ચૂંટણીમાં ભાજપે ત્યાંથી ભૂતકાળમાં ધારાસભ્ય તરીકે રહી ચૂકેલા વેરાવળવાળા જશાભાઇ બારડને ટીકીટ આપવાનું મન બનાવ્યું છે. ભગાભાઇ બારડે પોતાને ગેરલાયક ઠેરવવા સામે હાઇકોર્ટમાં ઘા નાખી છે. હાઇકોર્ટના ચુકાદા તરફ બન્ને પક્ષોની મીટ છે. જો જાહેર થયા મુજબ પેટા ચૂંટણી યથાવત રહે તો ભાજપના ઉમેદવાર તરીકે જશાભાઇનું નામ લગભગ નિશ્ચિત મનાય છે.

(11:39 am IST)
  • ગરમીમાં શેકાતું ગુજરાત: સુરતના મહુવામાં 40.8 ડિગ્રી તાપમાન, અમરેલી 40, રાજકોટ39. 5ડિગ્રી મહત્તમ તાપમાન : રાજકોટ સહિત કચ્છમાં આજે ગરમીનું ગરમીનું પ્રમાણ વધ્યું છે આજે સૌથી વધુ તાપમાન સુરતના મહુવામાં 40 . ૮ ડિગ્રી નોંધાયું છે જ્યારે અમરેલી ૪૦ તથા રાજકોટમાં39.5 ડિગ્રી તાપમાન નોંધાયું છે આ ઉપરાંત અમદાવાદ 37 .9 ડીસામાં 37.2 વડોદરા 39.2 ભાવનગર 37.6 પોરબંદર ૩૯ . 6 વેરાવળ ૩૪ .8 ઓખા 30.1 bhuj 38.2 કચ્છના નલિયામાં ૩૭ .5 સુરેન્દ્રનગર 39.1 new કંડલા 39. 6 કંડલા એરપોર્ટ 38.0 ગાંધીનગર 37 .2 દીવ 39.5 અને વલસાડ 39.4 ડિગ્રી તાપમાન નોંધાયું છે access_time 7:29 pm IST

  • સાંજ સુધીમાં ગઠબંધનનો ફેંસલોઃ નહિ થાય તો અમે તમામ 26 બેઠકો લડશું :એનસીપી નેતા જયંત બોસ્કીનો ધ્રુજારો :એનસીપીનાં જયંત બોસ્કીએ મોટું નિવેદન આપ્યું :સાંજ સુધીમાં ગઠબંધન નહીં થાય તો અમે તમામ 26 બેઠકો પર ચૂંટણી લડીશું: અત્રે ઉલ્લેખનીય છે કે આણંદ બેઠક પર જયંત બોસ્કી પોતાની ઉમેદવારી નોંધાવવાનાં છે. access_time 12:42 pm IST

  • કેજરીવાલનો દાવો :દિલ્હી પૂર્ણ રાજ્ય બનશે તો સિંગાપુર જેવા 10 શહેર બનાવશું :ઝુપડીઓવાળાને આપશું બંગલો :દિલ્હીને પૂર્ણ રાજ્ય બનાવાની માંગ કરતા દિલ્હીના મુખ્યમંત્રી કેજરીવાલે કહ્યું કે દિલ્હીને તમામ સમસ્યાથી મુક્ત કરાવશું :જોકે સિંગાપુર બનાવાના મામલે પહેલા પણ કેજરીવાલ લોકોના નિશાના પર રહ્યાં છે access_time 12:15 am IST