Gujarati News

Gujarati News

News of Thursday, 25th February 2021

ઈશ્વર-અલ્લાહ તેરો નામ સબકો સન્મતી દે ભગવાન : ધોરાજીના યુવા મુસ્લિમ બિરાદરો દ્વારા કબ્રસ્તાનમાં સાફ-સફાઈની સેવા

(કિશોર રાઠોડ દ્વારા) ધોરાજી :- કહેવાય છે કે દરેક ધર્મો ની ઉપર માનવતાનો ધર્મ સૌથી મૂલ્યવાન છે ત્યારે ધોરાજીના સામાન્ય મજૂરી કરનારા ત્રણ મુસ્લિમ યુવાનો દ્વારા ધોરાજી તેમજ આસપાસના ગ્રામ્ય વિસ્તારમાં કબ્રસ્તાનની સફાઈ કરી કોઈપણ આશા અપેક્ષા વિના મુક રીતે પોતાની સેવા આપી રહ્યા છે.

 ધોરાજીના મેળાના મેદાન પાસે રહેતા કરીમ શા ફકીર સરફરાજ અહેમદ અને અહેમદ ઇમરાન ફકીર નામના ત્રણ યુવાનો કચરો એકઠો કરી પોતાનું ઘર ગુજરાન ચલાવે છે જેની સાથે સાથ માનવતાનો ધર્મ પણ બખૂબી નિભાવી રહ્યા છે

આ ત્રણેય યુવાનો દ્વારા ધોરાજીના રસુલ પરા પાસેના કબ્રસ્તાન તેમજબાદલાશા બાવા પાસેનું કબ્રસ્તાન, ધોરાજી રામ પરા પાસેનું દલિત સમાજનું મુક્તિધામ અને પાનેલી ગામના કબ્રસ્તાનમાં વખતોવખત જઈ  ત્યાંની સાફ સફાઈ કરે છે. સાથે પોતાનું વાહન લઈ જઈ પોતાના સ્વખર્ચે પોતાની જાત મહેનત થી સેવા બજાવે છે.

આ યુવાનો કોઈ પ્રસિદ્ધિ કે અપેક્ષાની ખેવના વિના માનવધર્મ બજાવી સાંપ્રત સમયમાં ધર્મ થી વિશેષ માનવતાનો સંદેશ આપી રહ્યા છે.

 

(5:05 pm IST)
  • ખેડૂત નેતાએ કહ્યું સરકારને રામચંદ્ર બનાવી ગાદીએ બેસાડી હતી પણ રાવણ જેવો વ્યવહાર કરવા લાગી : અમને ખબર છે રાવણની નાભિ ક્યાં છે : રાકેશ ટિકૈતની 40 લાખ ટ્રેકટર સાથે સંસદ ભવન ઘેરાવાના એલાનને ખેડૂત નેતા પુષ્પેન્દ્રસિંહ સમર્થન અપાતા કહ્યું મત જ સરકારની નાભિ છે અને ત્યાં જ વાર કરીશું access_time 1:12 am IST

  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • પ્રયાગરાજમાં પ્રદર્શન કરતા વિદ્યાર્થીઓને પોલીસે દોડાવી -દોડાવીને માર્યા : ધરણા સ્થળ છાવણીમાં તબદીલ :એકાદ ડઝન છાત્રોની અટકાયત :નોકરીની માંગ કરતા વિદ્યાર્થીઓને પોલીસે માર્યા :ખાલી પડેલા સેંકડો પદોપર ભરતીની માંગ સાથે વિધાર્થીઓ રસ્તા પર ઉતર્યા access_time 12:37 am IST