Gujarati News

Gujarati News

News of Thursday, 25th February 2021

પડધરીના થોરીયાળીમાં ૩.પ૦ લાખની લુંટમાં આદિવાસી શખ્સોની સંડોવણી હોવાની શંકા

વાડી મકાનમાં સુતેલા વૃધ્ધ પટેલ દંપતિને મારમારી ૩ લાખની રોકડ અને સોનાની બુટી લુટી લેનાર જાણભેદુ હોવાથી શંકાએ તપાસનો ધમધમાટ : થોરીયાળી ગામમાં મોટી સંખ્યામાં આદિવાસી મજુરો રહે છે : મગફળી વેચાણના રૂપિયા આવ્યા હોવાની લૂંટારૂઓને જાણ હોવાની પોલીસને શંકા

રાજકોટ, તા. રપ :  પડધરીના થોરીયાળી ગામની સીમમાં રહેતા વૃધ્ધ પટેલ દંપતિને ધમકાવી-મારકૂટ કરી રૂ. ૩.પ૦ લાખની મતા લૂંટી લેનાર લૂંટારૂઓ આદિવાસી શખ્સે હોવાની અને જાણભેદુ હોવાની શંકાએ પોલીસે તપાસનો ધમધમાટ શરૂ કર્યો છે.

મળતી વિગત મુજબ થોરીયાળી ગામની સીમમાં વાડીના મકાનમાં એકલા રહેતા વૃધ્ધા નાનજીભાઇ શિંગાળા અને તેમના પત્ની વજીબેન સુતા હતા ત્યારે બુધવારની લૂંટારૂઓએ મકાનનું બારણુ જોરથી ખખડાવ્યા બાદ બારણુ તોડી નાંખી અંદર ઘુસી જઇ વૃધ્ધ દંપતિના મ્હો ઉપર ઓશીકા દાબી દઇ ધોકાના ઘા મારવાનું શરૂ કર્યુ હતું. ત્રણ પૈકી એક લુંટારૂએ વૃધ્ધ વજીબેનના કાનમાંથી સોનાની બન્ને બૂટી ખેંચી લેતા તેને ઇજા થઇ હતી. અન્ય બે લુુંટારૂઓએ મકાનમાં કિંમતી માલમતા શોધવાનું શરૂ કર્યુ હતું. ત્રણેય લૂંટારૂઓ વૃધ્ધ દંપતિને મારમારી પૈસા કયાં રાખ્યા છે ? તેવું ગુજરાતીમાં રટણ કરતા હતા અને મારમારતા હતા બાદમાં ત્રણ પૈકી બે લૂંટારૂઓને કબાટની નીચે રાખેલા રૂ. ૩ લાખ રોકડા મળી આવતા આ રોકડ રકમ સોનાની બૂટી અને મોબાઇલ લૂટી ત્રણેય લૂંટારૂઓ નાસી છુટયા હતા. બાદમાં સવારે વૃધ્ધ દંપીતએ ગ્રામ્યજનોને જાણ કરતા પડધરી પોલીસને જાણ કરાતા પી.એસ.આઇ. લગારીયા, એલ.સી.બી.ના પી.આઇ. અજયસિંહ ગોહિક તથા એલ.સી.બી. અને એસ.ઓ.જી.ને કાફલો ઘટના સ્થળે દોડી ગયો હતો.

બનાવ અંગે ઇજાગ્રસ્ત વૃધ્ધ વજીબેન શિંગાળાની ફરીયાદ ઉપરથી પડધરી પોલીસે અજાણ્યા લુંટારૂઓ સામે ગુન્હો દાખલ કર્યો હતો.

દરમિયાન આ લૂંટની ઘટનાનો ભેદ ઉકેલવા રૂરલ એસ.પી. બલરામ મીણાના માર્ગદર્શન હેઠળ રૂરલ એલ.સી.બી. તથા એસ.ઓ.જી.ની ટીમો કામે લાગી છે. પોલીસના જણાવ્યા મુજબ જયાં લુંટની ઘટના બની છે તે થોરીયાળી ગામમાં મોટી સંખ્યા આદિવાસી મજુરો રહે છે. આ લૂંટમાં આદિવાસી શખ્સોની સંડોવણી હોવાની શંકા છે. તેમજ વૃધ્ધ પટેલ દંપતિએ અઠવાડીયા પૂર્વે જ મગફળીનું વેચાણ કર્યુ હોય ઘરમાં મોટી રોકડ રકમ અને પટેલ દંપતિ એકલા જ રહેતા હોવાની લૂંટારૂઓ જાણતા હોવાની પોલીસને શંકા છે. લૂંટમાં જાણભેદુ આદિવાસી શખ્સોની સંડોવણી હોવાની શંકાએ પોલીસે તપાસનો ધમધમાટ શરૂ કર્યો છે. અને ટુંક સમયમાં ભેદ ઉકેલાયા તેવી શકયતા છે.

આ લુંટનો ભેદ ઉકેલવા રૂરલ ક્રાઇમ બ્રાંચને પી.આઇ. અજયસિંહ ગોહિલ, પી.એસ.આઇ. વી.એમ. કોલાદરા, એસ.ઓ.જી.ના પી.એસ.આઇ. વી.એમ. લાગરીયાની ટીમે તપાસનો ધમધમાટ શરૂ કર્યો છે.

(12:48 pm IST)
  • પ્રયાગરાજમાં પ્રદર્શન કરતા વિદ્યાર્થીઓને પોલીસે દોડાવી -દોડાવીને માર્યા : ધરણા સ્થળ છાવણીમાં તબદીલ :એકાદ ડઝન છાત્રોની અટકાયત :નોકરીની માંગ કરતા વિદ્યાર્થીઓને પોલીસે માર્યા :ખાલી પડેલા સેંકડો પદોપર ભરતીની માંગ સાથે વિધાર્થીઓ રસ્તા પર ઉતર્યા access_time 12:37 am IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST