Gujarati News

Gujarati News

News of Thursday, 25th February 2021

ગોંડલના માંડણકુંડલા ખોડિયાર માતાજીના મંદિરમાં લાખો રૂપિયાની ચોરી

પારખીયા પરિવારના કુળદેવી માતાજીના મંદિરે તસ્કરો ત્રાટકયાઃ સોના-ચાંદીના છત્તર અને દાગીનાની ઉઠાંતરી કરીને નાસી છૂટયાઃ પોલીસ તપાસનો ધમધમાટ

ગોંડલઃ માંડણકુંડલા ગામે આવેલ પારખીયા પરિવારના કુળદેવી ખોડિયાર માતાજીના મંદિરમાં તસ્કરો ત્રાટકયા હતા અને લાખો રૂપિયાની ચોરી કરીને નાસી છૂટયા હતા. તસ્વીરમાં માતાજીનું મંદિર તથા વેરવિખેર સામાન અને પોલીસ ટીમ તપાસ કરતી નજરે પડે છે (તસ્વીરઃ ભાવેશ ભોજાણી-ગોંડલ)

ગોંડલ, તા. ૨૫ :. ગોંડલ તાલુકાના માંડણકુંડલા ગામે આવેલ પારખીયા પરિવારના કુળદેવી ખોડિયાર માતાજીના મંદિરમાં ગત રાત્રીના તસ્કરો ત્રાટકયા હતા અને લાખો રૂપિયાના સોના-ચાંદીના દાગીના તથા રોકડ રકમ લઈને નાસી છૂટતા ખળભળાટ મચી ગયો છે.

પ્રાપ્ત માહિતી મુજબ માંડણકુંડલા ગામે આવેલ પારખીયા પરિવારના ખોડિયાર માતાજીના મંદિરમાં ગત રાત્રીના તસ્કરો ત્રાટકયા હતા અને માતાજીના મંદિરમાં રહેલ ૮ તોલા ચાંદીના છત્તર, ૨ તોલા સોનાના ચેઈન, વિંટી, છત્તર તથા રોકડા રૂ. ૩૨૦૦૦ સહિત ૮ કિલો ચાંદી અને ૨ તોલા સોના સહિત લાખો રૂપિયાની ચોરી કરીને નાસી છૂટયા હતા. તસ્કરોએ માતાજીના મંદિરમાં કબાટ સહિતની વસ્તુઓમાં વેરવિખેર કરીને નાસી છૂટયા હતા.

આ બનાવ બાદ મંદિરના સત્તાવાળાઓ દ્વારા પોલીસને જાણ કરવામા આવતા ગોંડલ તાલુકા પોલીસ ટીમ ઘટના સ્થળે દોડી ગઈ છે અને તપાસ હાથ ધરી છે.

(11:42 am IST)
  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • શેરબજારમાં ટનાટન તેજીઃ નીફટી ૧પ૧પ૦ ઉપર : સેન્સેકસ પ૧રપ૦ ઉપર : શેર બજારમાં તેજીનો માહોલ ર.૩૦ કલાકે સેન્સેકસ ૪૮૮ પોઇન્ટ વધીને પ૧ર૭૦ અને નીફટી ૧૭પ પોઇન્ટ વધીને ૧પ૧પ૭ ઉપર ટ્રેડ કરે છે રિલાયન્સ ૪ ટકા ઉંચકાયો access_time 12:42 pm IST

  • ખેડૂત નેતાએ કહ્યું સરકારને રામચંદ્ર બનાવી ગાદીએ બેસાડી હતી પણ રાવણ જેવો વ્યવહાર કરવા લાગી : અમને ખબર છે રાવણની નાભિ ક્યાં છે : રાકેશ ટિકૈતની 40 લાખ ટ્રેકટર સાથે સંસદ ભવન ઘેરાવાના એલાનને ખેડૂત નેતા પુષ્પેન્દ્રસિંહ સમર્થન અપાતા કહ્યું મત જ સરકારની નાભિ છે અને ત્યાં જ વાર કરીશું access_time 1:12 am IST