Gujarati News

Gujarati News

News of Thursday, 25th February 2021

વેરાવળ-બાંદ્રા ટ્રેનનું ગોંડલ ખાતે ગ્રેટર ચેમ્બર ઓફ કોમર્સ દ્વારા ભવ્ય સ્વાગત

(અશોક જોશી દ્વારા) ગોંડલ, તા.૨૫: ગ્રેટર ચેમ્બર ઓફ કોમર્સ ગોંડલ ના અથાગ પ્રયત્નો થકી વેરાવળ-બાંદ્રા ટ્રેનનું ગોંડલ ખાતે પ્રથમ વખત રોકાણ થયું જેમાં ગ્રેટર ચેમ્બર ઓફ કોમર્સ ના પ્રમુખ ગોપાલભાઈ ટોળીયા, ઉપપ્રમુખ વિનુભાઈ વસાણી, મહામંત્રી નલિનભાઈ જડિયા એ સતત કેન્દ્ર તથા રેલવે મંત્રાલય સાથે પત્રવ્યવહાર કરી એમના સતત પ્રયત્નો થકી ગોંડલની જનતા ને આ મોટી ભેટ આપી છે.

વેરાવળ-બાંદ્રા ટ્રેન ને ગોંડલ રેલવે સ્ટેશને આવકારવાના આ પ્રસંગે સર્વે પેસેન્જરો તથા રેલવે સ્ટેશનના સ્ટાફ તથા ઉપસ્થીત સુજ્ઞજનોનું પેંડા ખવડાવી મોં મીઠું કરાવ્યુ તથા નાની બજાર સ્વામિનારાયણ મંદિરના મહંત આનંદસ્વરૂપ સ્વામીજી દ્વારા ટ્રેનને હારતોરા કરી આશીર્વાદ અર્પણ કરવામાં આવ્યા.

આ પ્રસંગે ગોંડલ રેલવે સ્ટેશન ના સ્ટેશનમાસ્ટર સહિતના રેલવે સ્ટેશનના કર્મચારીઓ ઉપરાંત ગોપાલભાઈ ટોળીયા, વિનુભાઈ વસાણી, નલિનભાઈ જડિયા, જયકરભાઈ જીવરાજાની, હિતેશભાઈ રાવલ, મયુરભાઈ મહેતા, એડવોકેટ રવિરાજભાઈ ઠકરાર, રસિકભાઈ રાજપરા, વોરા સમાજના પ્રમુખ મોઇઝભાઈ, ખજાનચી આબેદીનભાઈ હીરાણી સહિતના સુજ્ઞજનો ઉપસ્થિત રહયા હતા.

(11:38 am IST)
  • એફિલ ટાવરથી પણ ઊંચા ભારતના ગૌરવની તસ્વીર : રેલમંત્રીએ આપી જાણકારી :જમ્મુ-કાશ્મીરમાં દુનિયાનો સૌથી ઊંચો પુલની કામગીરી અંતિમ તબક્કામાં : રેલવે મંત્રીએ તસ્વીર શેર કરી : કટડા -બનિહાલ વચ્ચે રિયાસીમાં ચિનાબ નદી પર આ પુલનું નિર્માણ access_time 1:20 am IST

  • પૂર્વ જસ્ટિસ માર્કંડેય કાત્જુએ ભાજપ સરકારની હિટલર સાથે સરખામણી કરી હતી : 2016 ની સાલમાં કરાયેલી આ સરખામણી યોગ્ય જણાઈ નથી : ભારતમાં ન્યાયતંત્રની સ્વતંત્રતા ઉપર તરાપ હોવાના કોઈ પુરાવા નથી : નીરવ મોદીના પ્રત્યાર્પણને મંજૂરી આપતી વખતે યુ.કે.કોર્ટની ટકોર access_time 8:49 pm IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST