Gujarati News

Gujarati News

News of Thursday, 25th February 2021

ભુજની પરિણીતાની આત્મહત્યા નહીં પણ હત્યા, મોબાઈલમાં અન્ય યુવતીનો ફોટો જોઈ પત્નીએ સવાલ કરતાં દુપટ્ટા વડે ટુંપો દીધો

(વિનોદ ગાલા દ્વારા) ભુજ : (ભુજ) ભુજમાં ત્રણ દિવસ પહેલાં હિનાબેન દિનેશ ગોસ્વામી નામની બાવાજી પરિણીતાની આત્મહત્યાના કેસમાં ચોંકાવનારો ખુલાસો થયો છે. જોકે, પોલીસે શરૂઆતથી જ આ બનાવમાં પતિને શકના દાયરામાં રાખી તપાસ કરીને લાશનું પીએમ જામનગર કરાવવા મોકલ્યું હતું. પીએમ રિપોર્ટમાં ગળે ટુંપો દઈ ને મોત નીપજાવાયું હોવાનું ખુલ્યા બાદ પોલીસે લાલ આંખ કરતાં જ પતિએ ગુનો કબૂલી લીધો હતો. પતિ દિનેશ ગોસ્વામીએ પોતે દુપટ્ટા વડે પત્નીને ગળે ફાંસો આપી મોત નિપજાવ્યું હોવાની કબૂલાત કરી હતી. દરમ્યાન મૃતક પરિણીતા હિનાબેન ના માતાએ જણાવ્યું હતું કે, બનાવના દિવસની સવારે તેમની પુત્રી એ પોતાની સાથે વાત કરી હતી. જે અનુસાર પતિના મોબાઈલમાં અન્ય યુવતીનો ફોટો અને પતિ દ્વારા તેણી સાથે ફોન પર થઈ રહેલી વાતો અંગે સવાલ કરતાં તેની સાથે પતિ મારકૂટ કરતો હોવાનું જણાવ્યું હતું. આ યુવતીનો ફોટો પણ પુત્રીએ મોકલ્યો હતો. આ અફેરને કારણે હત્યા કરાઈ હોવાનો આક્ષેપ કરાયો છે. જોકે, આ બનાવમાં પોલીસ પણ સતર્ક હોઈ પત્ની ના મોતને આત્મહત્યા માં ખપાવવાનો પતિ નો પ્રયાસ નિષ્ફળ રહ્યો હતો.

(9:31 am IST)
  • દેશના ફાઈનાન્સ સેક્રેટરી પદ માટે ગુજરાતના આઇએએસ ઓફિસર ફ્રન્ટ રનર દેશના નવા નાણા સચિવના પદ ઉપર ટૂંક સમયમાં ગુજરાત કેડરના સિનિયર આઇએએસ ઓફિસર આવી રહ્નાનું જાણવા મળે છે. સત્તાવાર સમર્થનની રાહ જોવાઇ રહી છે. (ન્યુઝફર્સ્ટ) access_time 11:44 am IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST

  • ચૂંટણી પહેલા પેટ્રોલ અને ડીઝલના ભાવોમાં મોટો ઘટાડો આવશે : આગામી પાંચ રાજ્યોની ચૂંટણી પૂર્વે મોદી સરકાર પ્રતિ લીટર ૪ રૂપિયાનો ફ્યુઅલ ટેક્સમાં ઘટાડો કરે તેવી પૂરી સંભાવના હોવાનું ન્યૂઝફર્સ્ટ જણાવે છે. જોકે પેટ્રોલ અને ડીઝલ ને જીએસટીના દાયરામાં ટૂંક સમયમાં લઈ લેવામાં આવે તેવી પણ સંભાવના રહેલી છે. access_time 11:29 am IST