Gujarati News

Gujarati News

News of Sunday, 25th February 2018

કચ્‍છના કોટેશ્‍વર કિક વિસ્‍તારમાંથી અેક પાકિસ્‍તાની બોટ ઝડપાઇ

કચ્‍છ: કચ્‍છના દરિયામાંથી અવારનવર પાકિસ્‍તાની બોટ ઝડપાવાના કિસ્‍સા બની રહ્યા છે. ત્‍યારે વધુ અેક બોટ કચ્‍છના દરિયામાં કોટેશ્‍વર કિક વિસ્‍તારમાંથી મળી આવી છે.

મળતી માહિતી અનુસાર BSFના 108 બટાલિયન પેટ્રોલિંગ કરી રહ્યા હતા. પેટ્રોલિંગ દરમિયાન પાકિસ્તાની બોટ ઝડપાઇ છે. જો કે બોટમાંથી માછીમારીની સામગ્રી મળી આવી છે. 

ઉલ્લેખનીય છે કે કચ્છના કોટેશ્વર ક્રિક વિસ્તાર અને હરામીનાળમાંથી વારંવાર આવી રીતે બોટ ઝડપાતી હોવાના કિસ્સા સામે આવ્યા છે. 

(2:43 pm IST)
  • ગોવાના મુખ્યમંત્રી મનોહર પર્રિકરને ફરી એકવાર ગોવા મેડિકલ કોલેજ હોસ્પિટલમાં ભરતી કરવામાં આવ્યા છે. કહેવામાં આવી રહ્યું છે કે, ડિહાઈડ્રેશન અને બ્લડ પ્રેશરની ફરિયાદને લીધે તેમને હોસ્પિટલમાં દાખલ કરાયા છે. ઉલ્લેખનીય છે કે, તેઓ ગુરુવારે જ મુંબઈથી સારવાર લઈને ગોવા ગયા હતા. access_time 1:15 am IST

  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST

  • કેન્દ્રીય માનવ સંશાધન વિકાસમંત્રી પ્રકાશ જાવડેકરે શાળાના બાળકોને રાહત આપતા જણાવ્યુ છે કે, ૨૦૧૯ના શૈક્ષણિક વર્ષથી એનસીઈઆરટીના અભ્યાસક્રમમાં ૫૦ ટકા સુધીનો ઘટાડો કરવામાં આવશે. તેમણે જણાવ્યુ હતું કે અત્યારે શાળાઓનો અભ્યાસક્રમ બીએ અને બીકોમ કરતા પણ વધુ છે. જેના કારણે વિદ્યાર્થીઓ પર દબાણ સર્જાય છે. જેથી અમે આ અભ્યાસક્રમમાં ૫૦ ટકા સુધીનો ઘટાડો કરીશું, જેથી વિદ્યાર્થીઓને પોતાના સર્વાંગી વિકાસ માટે સમય મળી રહે. access_time 10:47 am IST