Gujarati News

Gujarati News

News of Monday, 25th January 2021

ગુજરાતમાં પહેલીવાર ભાવનગર કોર્પોરેશન દ્વારા ઇકો બ્રિક પાર્કનું નિર્માણઃ સિંગલ યુઝ ૩૦ હજાર જેટલી પ્લાસ્ટિકની બોટલોનો ઉપયોગ કરાયો

ભાવનગર: ગુજરાતમાં પહેલીવાર ભાવનગર મહાનગરપાલિકા દ્વારા ઇકો બ્રિક પાર્ક આકાર પામી રહ્યો છે. છેલ્લાં એક મહિનામાં ભાવનગરના સફાઇ કામદારો અને નાગરિકો પાસેથી 30000 જેટલી બોટલ એકઠી કરી છે, આ બોટલોમાંથી ભાવનગરના અકવાડા તળાવ ખાતે ઇકો બ્રિક પાર્ક બનાવાની શરૂઆત થઈ ગઇ છે. સિંગલ યુઝ પ્લાસ્ટિકનો ઉપયોગ કરી પાર્ક તૈયાર કરવામાં આવી રહ્યો છે.

 ભાવનગર મહાનગર પાલિકા તેમજ ભાવનગરના જાણીતા નેચર એક્ટિવિસ્ટ અને તબીબ ડો. તેજસ દોશી , BMC એક્ઝિકયૂટીવ એનજીનીર વિજય પંડિત ના માર્ગદર્શન હેઠળ આ પાર્ક બની રહ્યો છે, જેમાં બીએમસીની ટીમ ખૂબ જહેમત ઉઠાવી રહી છે.

 Ecobricks એટલે શું?

- પ્લાસ્ટિકની એક-બે લિટરની બોટલ લેવી.

- ઘરમાંથી નીકળતું Single Use પોલીથીન કે જેને રિસાઈકલિંગ ના કરી શકાય તેને પ્લાસ્ટિકની બોટલમાં ઠુસી ઠુસીને ભરવું.

- એક મહિનાનું ઘરમાંથી નીકળતું પોલીથીન આ બોટલમાં સમાય જશે.

- બ્રાન્ડેડ દૂધની કોથળીઓ નાખવી નહીં કેમ કે તે રિસાયકલ થઈ શકે છે.

- કોહવાઈ શકે તેવા પદાર્થો નાખવા નહીં.

Ecobricks ના ફાયદા

- જમીન, પાણી, હવાનું પ્રદૂષણ અટકે છે.

- અનેક ચો. ફૂટ જમીનમાં પ્રદુષણ ફેલાવતું પ્લાસ્ટિક એક બોટલમાં સમાઈ જાય છે.

- આ પોલીથીન ભરેલી બોટલ ના ઉપયોગ રસ્તા બનાવવા, બગીચા માં, બેસવાના ટેબલ વગેરેમાં અને અનેક રચનાત્મક કાર્યોમાં થઈ શકે.

- સામાન્ય રીતે આવું પોલીથીન સળગાવી દેવામાં આવે છે, જેના લીધે ભયંકર વાયુ પ્રદૂષણ થાય છે, એ પણ અટકે છે.

(5:49 pm IST)
  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST

  • એરપોર્ટ, હોસ્પિટલો અને બેન્કીંગ સહિત ૫ થી ૭ ક્ષેત્રોમાં ગેમ ચેન્જર સાબિત થાય તેવા મોટા ફેરફારો આવી રહ્યા છે : ગેમ ચેન્જર સાબિત થાય તેવી ૫ થી ૭ નવી નીતિઓ ઘડવા ઉપર નાણામંત્રાલય રાત - દિવસ કામ કરી રહ્યાનું પણ જાણવા મળે છે : જેમાં એરપોર્ટો - હોસ્પિટલો, લોજીસ્ટીકસ અને ઈવીનો સમાવેશ થતો હોવાનું ન્યુઝ ફર્સ્ટ જણાવે છે : બેન્કીંગ સેકટર માટે નવા નિયમો ઉપર પણ નાણામંત્રાલય કામ કરી રહેલ છે : બેન્કીંગ સેકટરમાં બેન્કો વચ્ચેના વધુ જોડાણો અને ખાનગીકરણની દિશામાં પગલા લેવાઇ રહ્યાનું પણ જાણવા મળે છેઃ ન્યુઝ ફર્સ્ટના અહેવાલ પ્રમાણે આગામી અંદાજપત્રમાં આ જાહેરાતો થવાની સંભાવના છે access_time 3:08 pm IST

  • અર્ણવે મને લાખો રૂપિયા આપ્યા હતા: પાર્થો દાસગુપ્તાનો ધડાકો ટી,આરપીમાં ગોલમાલ કરવા અને રિપબ્લિક ને નંબર વન બનાવવા માટે અર્ણવએ મને 12000 અમેરિકન ડોલર અને 40 લાખ રૂપિયા આપ્યા હતા: બીએઆરસી ના પૂર્વ સીઈઓ પાર્થ દાસગુપ્તાનો વિસ્ફોટ access_time 8:16 pm IST