Gujarati News

Gujarati News

News of Monday, 25th January 2021

જૂનાગઢ : દેવકામાં પૂ. રમેશભાઇ ઓઝાની ભાગવત કથાનો પ્રારંભ

જૂનાગઢ : અમરેલી જિલ્લાના રાજુલા તાલુકાના દેવકા ખાતે આજથી પૂ. ભાઇશ્રી રમેશભાઇ ઓઝાની જન્મભૂમિ ખાતે આજ સવારથી પૂ. શરણાનંદજી મહારાજના આશિર્વાદ સાથે યજમાનોએ પોથીજીનું પૂજન કરી અને માસ્ક પહેરીને પૂ. ભાઇશ્રી રમેશભાઇ ઓઝાએ ભાગવત કથાનો પ્રારંભ કર્યો હતો. કોરોનાની મહામારીને લઇ સરકારશ્રીની ગાઇડ લાઇન મુજબ મર્યાદિત શ્રોતાઓની ઉપસ્થિતિમાં શરૂ થયેલ આ કથાનું સંસ્કાર ચેનલ તેમજ સાંદિપની ટીવી યૂ-ટયૂબના માધ્યમથી લાઇવ પ્રસારણ કરવામાં આવી રહ્યું છે. જેનો અસંખ્ય ભાવિકો લાભ લઇ રહ્યા છે. આજે પ્રથમ દિવસે રાજુલાના ધારાસભ્ય અંબરીષ ડેર તેમજ હિરાભાઇ સોલંકી, મનુભાઇ દરબાર, કિશોરભાઇ પટેલ સહિતના ઉપસ્થિત રહ્યા હતા અને સમગ્ર આયોજનને સફળ બનાવવા અંબરીશભાઇ ડેર, દુલાભાઇ વાગડીયા સહિત ભાગવત જ્ઞાન સમિતિ દેવકાની ટીમ જહેમત ઉઠાવી રહી છે. આજરોજ કાર્યક્રમનું સંચાલન ઋષિકુમાર હાર્દિક જોષીએ કર્યું હતું. (અહેવાલ : વિનુ જોષી, તસ્વીર : મુકેશ વાઘેલા, જૂનાગઢ)

(1:30 pm IST)
  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST

  • અર્ણવે મને લાખો રૂપિયા આપ્યા હતા: પાર્થો દાસગુપ્તાનો ધડાકો ટી,આરપીમાં ગોલમાલ કરવા અને રિપબ્લિક ને નંબર વન બનાવવા માટે અર્ણવએ મને 12000 અમેરિકન ડોલર અને 40 લાખ રૂપિયા આપ્યા હતા: બીએઆરસી ના પૂર્વ સીઈઓ પાર્થ દાસગુપ્તાનો વિસ્ફોટ access_time 8:16 pm IST

  • આગામી વર્ષોમાં વધુ એક રાજયમાં નશાબંધી લાદવામાં આવે તેવી સંભાવના છે : દારૂની પરમીટ માટેની ફી ૧૨ હજાર અને લટકામાં ૫૧ હજાર ગેરન્‍ટી મનીના! : જે લોકો દારૂ માગતા હોય તે ‘સ્‍ટોર' કરવા માગતા હોય તેના માટે ઉત્તરપ્રદેશમાં દારૂના વેચાણ ઉપર બાજ નજર રાખવા યોગી સરકારે નવા લાયસન્‍સ ઈસ્‍યુ કર્યા છે : નવા દારૂના લાયસન્‍સ માટેની ફી ૧૨ હજાર રૂપિયા અને ગેરન્‍ટી મની તરીકે ૫૧ હજાર ઉમેરવામાં આવ્‍યા છે : બે બીજા રાજયો પણ રાજ્‍ય વ્‍યાપી ‘દારૂબંધી' લાદવા માંગતા હોવાનું ન્‍યુઝ ફર્સ્‍ટ નોંધે છે access_time 4:31 pm IST