Gujarati News

રાજકોટ તા. રપઃ પડધરી નજીક કારે બાઇકને હડફેટે લેતા બાઇક ચાલક રાજકોટના દરજી વૃધ્ધનું મોત નીપજયું હતું.

મળતી વિગતો મુજબ પડધરી નજીક રાજકોટ-જામનગર હાઇવે રોડ ઉપર ભાલોડીયા ફાર્મ પાસે વેગન આર કાર નં. જી-જે૧૦ સીજી ૮૪૪૭ના ચાલાકે બાઇક નં. જી.જે.-૦૩ સીકે ૦૧૯૯ને હડફેટે લેતા બાઇક ચાલાક ચંન્દ્રકાંન્તભાઇ માણેકચંદભાઇ બોરખેતરીયા દરજી (ઉ.વ. ૬૦) રે. વૈશાલીનગર શેરી નં. ૭ રૈયા રોડ રાજકોટને ગંભીર ઇજા થતા પડધરી હોસ્પીટલમાં ખસેડાયેલ પરંતુ ત્યાં તેનો મૃતદેહજ પહોંચ્યો હતો. બનાવની જાણ થતા પડધરીના પી.એસ.આઇ. કિરણબા જાડેજા સહિતનો કાફલો ઘટના સ્થળે દોડી ગયો હતો.

મૃતક ચંન્દ્રકાંન્તભાઇને સંતાનમાં બે પુત્ર છે એક પુત્ર આફ્રિકા રહે છે. સંતાનોએ પિતાની છત્રછાંયા ગુમાવતા દરજી પરિવારમાં અરેરાટી વ્યાપી ગઇ છે.

પડધરી પોલીસે મૃતકના ભાઇ જયવંતભાઇ બોરખેતરીયા રે. રાજકોટની ફરીયાદ ઉપરની કારચાલક સામે ગુન્હો દાખલ કર્યો હતો. વધુ તપાસ પી.એસ.આઇ. કિરણબા જાડેજા તથા રાઇટર યુવરાજસિંહ ચલાવી રહ્યા છે.