Gujarati News

Gujarati News

News of Monday, 25th January 2021

પડધરી નજીક કારે બાઇકને હડફેટે લેતા રાજકોટના વૃધ્ધ ચંદ્રકાન્તભાઇ દરજીનું મોત

રાજકોટ તા. રપઃ પડધરી નજીક કારે બાઇકને હડફેટે લેતા બાઇક ચાલક રાજકોટના દરજી વૃધ્ધનું મોત નીપજયું હતું.

મળતી વિગતો મુજબ પડધરી નજીક રાજકોટ-જામનગર હાઇવે રોડ ઉપર ભાલોડીયા ફાર્મ પાસે વેગન આર કાર નં. જી-જે૧૦ સીજી ૮૪૪૭ના ચાલાકે બાઇક નં. જી.જે.-૦૩ સીકે ૦૧૯૯ને હડફેટે લેતા બાઇક ચાલાક ચંન્દ્રકાંન્તભાઇ માણેકચંદભાઇ બોરખેતરીયા દરજી (ઉ.વ. ૬૦) રે. વૈશાલીનગર શેરી નં. ૭ રૈયા રોડ રાજકોટને ગંભીર ઇજા થતા પડધરી હોસ્પીટલમાં ખસેડાયેલ પરંતુ ત્યાં તેનો મૃતદેહજ પહોંચ્યો હતો. બનાવની જાણ થતા પડધરીના પી.એસ.આઇ. કિરણબા જાડેજા સહિતનો કાફલો ઘટના સ્થળે દોડી ગયો હતો.

મૃતક ચંન્દ્રકાંન્તભાઇને સંતાનમાં બે પુત્ર છે એક પુત્ર આફ્રિકા રહે છે. સંતાનોએ પિતાની છત્રછાંયા ગુમાવતા દરજી પરિવારમાં અરેરાટી વ્યાપી ગઇ છે.

પડધરી પોલીસે મૃતકના ભાઇ જયવંતભાઇ બોરખેતરીયા રે. રાજકોટની ફરીયાદ ઉપરની કારચાલક સામે ગુન્હો દાખલ કર્યો હતો. વધુ તપાસ પી.એસ.આઇ. કિરણબા જાડેજા તથા રાઇટર યુવરાજસિંહ ચલાવી રહ્યા છે.

(12:55 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST

  • ગણતંત્ર દિવસની ઉજવણી પહાડોમાં કરવા ઉમટયા સહેલાણીઓ : શિમલાની ટ્રેન અને વોલ્‍વોનું ર૬ તારીખ સુધીનું બુકીંગ પુરૂં, હોટલો પણ પેક access_time 3:31 pm IST

  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST