Gujarati News

રાજકોટ તા.૨૫: રાજકોટ સહિત સૌરાષ્ટ્ર-કચ્છમાં આજે સવારથી વાતાવરણમા અચાનક પલ્ટો આવ્યો છે અને વાદળા છવાઇ જતા ઠંડીમા રાહત થઇ ગઇ છે.

જો કે ઠંડો-ઠંડો પવન ફૂંકાઇ રહ્યો છે. લઘુતમ તાપમાનનો પારો સડસડાટ ઉંચે ચડી ગયો છે આજે રાજયમાં સૌથી ઠંડી કચ્છના નલીયામાં નીચુ તાપમાન નલીયામાં ૧૦.૪ ડિગ્રી તાપમાન નોંધાયુ છે.

જુનાગઢ

જૂનાગઢ : હવામાનમાં પલ્ટો આવતા સવારથી સોરઠનાં આકાશમાં વાદળા છવાય ગયા છે અને ઠંડીનું પ્રમાણ નહિવત થઇ ગયુ છે.

છેલ્લા બે દિવસથી સવારનું તાપમાન ઉચકાતા ઠંડી ઘટી છે આ સ્થિી વચ્ચે આજે  વહેલી સવારથી જૂનાગઢ સહિતનાં વિસ્તારોનાં હવામાન પલટાયુ છે જેનાં  પગલે વાદળા છવાય જતાં સવો નિયમ સમયે સૂર્યદર્શન પણ થઇ શકયા ન હતાં.

માવઠામય વાતાવરણથી લોકો સહિત ખેડૂતો ચિંતીત બન્યા છે. ઠંડી ઘટતા સૌ કોઇએ રાહત અનુભવી છે.

જામનગર

 જામનગર : શહેરનું આજનું હવામાન ર૬ મહત્તમ ૧૪ લઘુતમ ૭૯ ટકા વાતાવરણમાં ભેજનું પ્રમાણ ૪.૭ પ્રતિ કલાક પવનની ગતિ રહી હતી.