Gujarati News

Gujarati News

News of Tuesday, 24th November 2020

લખતર તાલુકા ઝમર પાસે કોવિડ-૧૯ એન્ટીજન કીટ ફેંકી દેવાતા લોકોમાં દહેશત

વઢવાણ :.. લખતર તાલુકા ઝમર અને રાજયપાલ જિન પાસે કોવિડ-૧૯ ની ટેસ્ટ કરેલ એન્ટીજન કીટ રોડ ઉપર રઝળતી જોવા મળી હતી આથી રસ્તે આવતા જતા લોકોને નજરે ચડી હતી ત્યારે સુરેન્દ્રનગર જિલ્લામાં કોરોના કેસ કુદકેને ભૂસકે વધી રહ્યા હોય ત્યારે આવી રીતે એન્ટીજન ટેસ્ટિંગ કરેલ કીટ રઝળતી જોવા મળતા લોકોમાં આશ્ચર્ય સાથે રોષ જોવા મળ્યો હતો. ત્યારે બેદરકારી સામે આંખ આડા કાન કરતા હોય તેમ પહેલા લખતર સી. એચ. સી.નો કર્મચારી માસ્ક મોજા વગર ટેસ્ટિંગ કરતો હતો અને ન્યુઝમાં આવ્યું તોય કોઇ પગલા નહિ કોઇ પી.પી.ઇ. કીટ રોડ પર ફેંકી ગયું તોય કોઇ પગલા નહિ ત્યારે અત્યારે રોડ પર ટેસ્ટિંગ કરેલ એન્ટીજન કીટ ફેંકી ગયું છે. ત્યારે લોકોના આરોગ્ય સામે તંત્ર શું પગલા ભરે છે તે જોવું રહ્યું. (તસ્વીર : અહેવાલ : ફઝલ ચૌહાણ, વઢવાણ)

(11:54 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST