Gujarati News

Gujarati News

News of Tuesday, 24th November 2020

લીંબડી-હાઇવે પર પેટ્રોલ ટેન્કર અને પીકઅપ વાન વચ્ચે અકસ્માત

સુરેન્દ્રનગરઃ જિલ્લામાં વધુ એક અકસ્માત બન્યો છે. જોકે, સદનસિબે આ વખતે કોઈ જાનહાની નથી થઈ. આ વખતે પેટ્રોલ ભરેલા ટેન્કર અને પીકઅપ વાન વચ્ચે અકસ્માત સર્જાયો છે. અકસ્માત એટલો ગંભીર હતો કે પીકઅપ વાન ડિવાઇર પર પલટી ગઈ હતી. પ્રમાણે લીંબડી-રાજકોટ હાઇવે પર લીંબડીથી આશરે ત્રણ કિલોમીટર દૂરના અંતરે આ અકસ્માત સર્જાયો છે. જેમાં પેટ્રોલ ભરેલા ટેન્કર અને યુટીલીટી કાર વચ્ચે અકસ્માત સર્જાયો છે. અકસ્માતમાં બે વ્યકિતને ઈજાઓ પહોંચતા તેઓને સારવાર અર્થે હોસ્પિટલ ખસેડવામાં આવ્યા છે. ટેન્કરમાંથી પેટ્રોલ ઢોળાયું કે લીક થયું હોત તો મોટી જાનહાની સર્જાઈ શકતી હતી. જોકે, સદનસીબે પીકઅપવાન જ પલટી ગઈ હતી અને ટેન્કર રસ્તાને નુકસાન થયું ન હતું. આ મામલે પોલીસે ઘટનાસ્થળે પહોંચીને વધારે તપાસ શરૂ કરી છે. અકસ્માતના સામે આવેલા દ્રશ્યોમાં જોઈ શકાય છે કે ટેન્કર રસ્તા પર પડ્યું છે જયારે યુટિલિટી વાન ડિવાઇડર વચ્ચે પલટી ગઈ છે. યુટિલીટી વાનમાં સામાન ભરેલો હોવાનું લાગી રહ્યું છે.

(11:54 am IST)