Gujarati News

મોરબીના સ્ટેશન રોડ પર યુવાને ફટાકડા સ્ટોલ રાખેલ હોય જે બાબતે ચાર શખ્સોએ ફટાકડા સ્ટોલ કેમ રાખેલ છે કહીને માર મારી ઈજા પહોંચાડતા યુવાને બનાવ મામલે પોલીસ ફરિયાદ નોંધાવી છે

મોરબીના રેલ્વે કોલોનીમાં રહેતા દીપ પંડ્યાએ પોલીસ ફરિયાદ નોંધાવી છે કે તેની સ્ટેશન રોડ પર ભૂદેવ પાન નામે દુકાન હોય જ્યાં દિવાળીના તહેવાર નિમિતે ફટાકડા સ્ટોલ ગોઠવેલ હોય જ્યાં સવારે દેવીસિંહ સંગ્રામસિંહ જાડેજા રહે અંબિકા રોડ વાળા આવીને શું કામ ફટાકડાના સ્ટોલ ગોઠવેલ છે કહીને ગાળો બોલતા યુવાન દીપ પંડ્યા ડરીને તેના કાકા પાસે જતો રહ્યો હતો

ત્યારે દેવીસિંહ અને અનોપસિંહ જોરૂભા જાડેજા રહે અંબિકા રોડ મોરબી તેમજ પ્રવીણસિંહ અને તેનો દીકરો રહે બંને ખાખરાળા વાળા આવીને માર મારી કાકા છોડાવવા વચ્ચે પડતા ઝપાઝપીમાં કાકાને પણ ઈજા પહોંચી હતી તેમજ આજે તો બચી ગયો છો હવે પછી દુકાન પાસે ફટાકડાનો સ્ટોલ રાખીશ તો જાનથી મારી નાખશું કહીને ધમકી આપી જતા રહ્યા હતા જે બનાવ મામલે મોરબી સીટી એ ડીવીઝન પોલીસે યુવાનની ફરિયાદ નોંધવા તજવીજ હાથ ધરી છે