Gujarati News

Gujarati News

News of Saturday, 24th October 2020

ઇદે મીલાદની ઉજવણી મસ્જીદ અને મહોલ્લામાંજ કરવાની છુટની ખાત્રી

(ઇકબાલ ગોરી દ્વારા) સાવરકુંડલા તા.ર૪ : ધારાસભ્ય ગ્યાસુદ્દીન શેખ અને ધારાસભ્ય ઇમરાન ખેડાવાલા દ્વારા મુખ્યમંત્રી વિજયભાઇ રૃપાણીને ઇદે મિલાદનું પર્વ સરકારશ્રીની ગાઇડલાઇન તથા સોશ્યલ ડિસ્ટન્સના પાલન સાથે ઉજવવા કરેલ રજુઆત સંદર્ભેમાં ગૃહરાજયમંત્રી પ્રદિપસિંહજી  જાડેજાને રજુઆત કરતા ગૃહમંત્રીશ્રીએ ઉપરોકત બાબતની અગત્યના ધ્યાને લઇ તરત જ અમદાવાદ પોલીસ કમિશનર શ્રીવાસ્તવને રજુઆત કરવા કહ્યું હતું.

ગૃહમંત્રીશ્રીની સુચના અનુસાર અમદાવાદ પોલીસ કમિશનરશ્રીને રજુઆત સંદર્ભે પોલીસ કમિશનરશ્રીએ કોરોનાની મહામારીના સંક્રમણને જોતા જનહિતમાં મોહરમ તથા રથયાત્રા સહિત અન્ય તહેવારો ઉજવવા માટે પરવાનગી આપવામાં આવી નથી તેમ જણાવ્યું હતું.

કેન્દ્ર સરકારની ગાઇડલાઇન અને સોશ્યલ ડિસ્ટન્સના પાલનની શરતોને આધિન પરવાનગી આપવામાં આવી છે તે જ અનુસાર ઇદેમિલાદના પર્વની ઉજવણી મસ્જીદ તથા મહોલ્લામાં જ કરવાની પરવાનગી આપવા યોગ્ય નિર્ણય લેવાની ખાતરી આપી હતી.

(12:46 pm IST)
  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST