Gujarati News

Gujarati News

News of Saturday, 24th October 2020

સ્ટાર પ્રચારક નામ બોલે તો ખર્ચ ઉમેદવારના ખાતામાં ગણાય જાય

સ્મૃતિ ઇરાની એકેય મતક્ષેત્રમાં ઉમેદવારનું નામ બોલ્યા નથીઃ બ્રિજેશ મેરજાની સ્પષ્ટ વાત

રાજકોટ તા. ર૪ :.. મોરબીમાં ભાજપની જાહેર સભામાં ભાજપના સ્ટાર પ્રચારક કેન્દ્રીય મંત્રી સ્મૃતિ ઇરાની જાહેરસભામાં એક પણ વખત ઉમેદવાર બ્રિજેશ મેરજાનું નામ ન બોલ્યાના વિવાદ અંગે તેમણે નિયમ ટાંકીને બચાવ કર્યો છે. બ્રિજેશ મેરજાએ જણાવેલ કે સામાન્ય રીતે સ્ટાર પ્રચારકો જાહેર સભામાં ઉમેદવારનું નામ લેતા નથી. ચૂંટણી પંચના નિયમ મુજબ નામ બોલવાથી સભાનો ખર્ચ જે તે ઉમેદવારના ખાતામાં ઉમેરાતો હોય છે. સ્મૃતિ ઇરાનીએ ગુજરાતમાં જેટલી સભાઓ સંબોધી ત્યાં એકપણ સભામાં ઉમેદવારનું નામ બોલ્યા નથી. નિયમની મર્યાદાના કારણે હું તેમની સભામાં હાજર રહેલ નહિ પરંતુ તેમને મળ્યો હતો. તેમણે મને જીત માટે શુભેચ્છા પાઠવી છે.  

(11:37 am IST)
  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • ભારત 30મીએ વુહાન મોકલશે ફ્લાઇટ : વંદે ભારત મિશન અંતર્ગત ચીન જનાર એરઇન્ડિયાની હશે છઠી ઉડાન : ચીનના વુહાન શહેરમાં પહેલીવાર કોરોના સંક્રમણનો કેસ સામે આવ્યો હતો : એરઇન્ડિયાની 30 ઓક્ટોબરે ઉડાંનું સંચાલન કરશે : બેઇજિંગ સ્થિત ભારતીય દૂતાવાસની જાહેરાત access_time 1:06 am IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST