Gujarati News

Gujarati News

News of Saturday, 24th October 2020

મોરબીમાં કોરોના વાયરસ અંગે લોકજાગૃતિ

મોરબીઃ  ગુજરાત કાઉન્સિલ ઓન સાયન્સ એન્ડ ટેકનોલોજી ગાંધીનગર દ્વારા માન્ય આર્યભટ્ટ લોક વિજ્ઞાન કેન્દ્ર મોરબી દ્વારા કોરોના મહામારીને ધ્યાને લઈને લોક જાગૃતિ અભિયાન ચલાવવામાં આવી રહ્યું છે જેમાં જાહેર સ્થળો પર ૧૩૦ માહિતી બેનર લગાવી લોક જાગૃતિ કેળવવા પ્રયાસો હાથ ધરવામાં આવ્યા છે.લોક જાગૃતિ અભિયાનમાં મોરબી જીલ્લાનાં જાહેર સ્થળ પર કોરોના વાયરસ સામે લોક જાગૃતિ અંગેની ૧૩૦ માહિતી બેનર હેઠળ આવરી લેવામાં આવી છે. કોરોના વાયરસ મહામારીનાં પોસ્ટર પ્રદર્શન નવા એસ.ટી બસ સ્ટેન્ડ, જૂના એસ.ટી. બસ સ્ટેન્ડ ખાતે લોકોને કોરોના વાયરસ સામે લોક જાગૃતિ અંગેનો સંદેશો આપવામાં આવ્યો.નવા એસ.ટી.બસ સ્ટેન્ડનાં અધિકારી નરેન્દ્રસિંહ અને તેમનાં સાથી કર્મચારી તેમજ જૂનાં એસ. ટી. બસ સ્ટેન્ડનાં અધિકારી બિપીનભાઈ આદ્રોજા તથા અમુભાઈ ધ્રાંગ્રાએ કોરોના વાયરસ લોકજાગૃતિ અભિયાનમાં પૂરો સહકાર આપ્યો હતો લોક જાગૃતિ અભિયાનનું આયોજન એલ એમ ભટ્ટ, દીપેન ભટ્ટ અને અજય પાટડીયા દ્વારા કરવામાં આવ્યું હતું.

(11:27 am IST)
  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST