Gujarati News

મોરબીની રવાપર ચોકડી પાસે ઘણા સમયથી મોતના કુવા સમાન મસમોટો ખાડો પડી ગયો હતો. પણ તંત્ર ધ્યાન આપતું ન હોવાથી ત્યાં ટ્રાફિક પોલીસ કર્મચારી તરીકે ફરજ બજાવતા દેવજીભાઈ બાવરવાએ લોકોને હાલાકી ન પડે તે માટે જાતે જ સિમેન્ટ કોક્રેટને મિક્સ કરી ખાડાનું લેવલીગ કરીને યોગ્ય રીતે સમારકામ કર્યું હતું. ખાડો બુરાતાં લોકોને પણ રાહત થઈ હતી. જો કે, દેવજીભાઈએ પોતાની ફરજ નિષ્ઠા બજાવવાની સાથે વારંવાર બીજા અન્ય રોડ ઉપર ખાડા બુરી સમથળ કરવા સહિતના સેવાકીય કામો કરે છે. જેમાં ચકલાને ચણ અને પાણી નાખવાનું કામ તેમજ ત્યાં બનાવેલી પોલીસ ચોકીમાં પણ સેવા કરે છે