Gujarati News

મોરબી : સ્પોર્ટસ ઓથોરીટી ઓફ ગુજરાત, ગાંધીનગર દ્વારા વર્ષ ૨૦૨૧-૨૨ ના વર્ષમાં વિવિધ રમતોની રાજય કક્ષાની શાળાકીય/ ખેલ મહાકુંભ સ્પર્ધાઓ અં. ૧૪ , ૧૭, ૧૯ અને સ્કૂલ ગેઈમ્સ ફેડરેશન ઓફ ઈન્ડિયા દ્વારા મહિલા રોકડ પુરસ્કાર આપવામાં આવશે.
રાષ્ટ્રકક્ષાની સ્પર્ધામાં એસ.એ.જી. દ્વારા રાજ્યનું પ્રતિનિધિત્વ કરેલ (ભાગ લીધેલા) મહિલા ખેલાડીઓને કોઈ પણ એક જ રમતમાં તેમજ એક જ સિધ્ધિ માટે “મહિલા રોકડ પુરસ્કાર યોજના” માટેનું ફોર્મ ભરીને તા.૧૫/૧૦/૨૦૨૧ સુધીમાં જિલ્લા રમત પ્રશિક્ષણ કેન્દ્ર મોરબી, કચેરીને મળી રહે તેવી રીતે અરજી મોકલવાની રહેશે.
વધુમાં વર્ષ-૨૦૧૯-૨૦, ૨૦૨૦-૨૧માં રોકડ પુરસ્કાર યોજનાથી વંચિત રહી ગયેલ મહિલા ખેલાડીઓ પણ અરજી કરી શકશે. વધુ માહિતી માટે મો.ન.૮૪૬૯૯૨૨૯૦૫ પર સંપર્ક કરવા જિલ્લા રમત પ્રશિક્ષણ કેન્દ્રના સિનીયર કોચ મોરબી દ્વારા જણાવેલ છે.