Gujarati News

Gujarati News

News of Thursday, 24th September 2020

મોટીપાનેલી : બે દિવસથી લાપતા આધેડ ખોજા વેપારીની લાશ ડેમમાંથી મળી

માનસિક બીમારીથી ત્રસ્ત હોવાનું પ્રાથમિક તારણ

મોટી પાનેલી,તા. ૨૪: ઉપલેટા તાલુકાના મોટી પાનેલીમાં બે દિવસ થી લાપતા ઇસ્માઇલી ખોજા વેપારીની લાશ ફુલઝર ડેમમાં થી મળી આવેલ.  બનાવની જાણ થતા ઉપ સરપંચ બધાભાઇ ભારાઈએ પોલીસને હકીકત જણાવતા પાનેલી આઉટ પોસ્ટ જમાદારે લાશને પોસ્ટમોર્ટમ માટે ભાયાવદર સરકારી હોસ્પિટલ ખાતે રવાના કરેલ છે.

બનાવની હકીકત એવી છે કે ગત સોમવારનાં રોજ બપોરના સાડાચાર વાગ્યાં ના આસપાસ મૃતક વેપારી મનસુરભાઈ ગુલામહુસેન લાખાણી (ઉંવર્ષ ૬૨) ઘરેથી કોઈને કહ્યા વિનાજ નીકળી ગયા હતા પોતાનો મોબાઈલ ફોન પણ ઘરે જ મૂકીને જતા રહેતા પરિવારના સભ્યો ભારે ચિંતિત થઈને શોધખોળ ચાલુ કરેલ ભાયાવદર પોલીસમાં પણ રિપોર્ટ દર્જ કરાવેલ તળાવ રોડ પર આવેલ હાર્ડવેરની દુકાનના સીસીટીવી ફૂટેજમાં મૃતક સાંજના સવાપાંચ વાગ્યે ડેમના રસ્તે જતા જોવા મળતા ડેમ તરફ શોધખોળ ચાલુ કરતા બે દિવસ બાદ બુધવારે બપોરે એક વાગ્યાના સુમારે મૃતકની લાશ ડેમની કાચી પાળ પાસેથી મળી આવેલ.મૃતક માનસિક બીમારીથી તંગ હોય અગમ્ય કારણોસર મોતને વહાલું કર્યાનું પ્રાથમિક તારણ મળી આવે છે કે પછી કોઈ અકસ્માતે બનાવ બન્યો સાચી હકીકત પીએમ રિપોર્ટ બાદ સામે આવી શકે છે. જમાદાર મનસુખભાઇ ચલાવી રહ્યા છે.

(2:23 pm IST)
  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST

  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST

  • નેપાળમાં ૪૮ કલાકથી ભારે વરસાદ ચાલુ: જાનહાનિ અને ખાના-ખરાબી: નેપાળમાં મંગળવારથી સતત મધ્યમથી ભારે વરસાદ પડી રહ્યો છે. શીલાઓ ગબડતા, ભૂમિ ધસી પડતા ૧૨ના મોત થયા છે અને ૯ લાપતા છે access_time 12:21 am IST